Татарстан Республикасы Хөкүмәте

Рөстәм Миңнеханов Россия Тышкы эшләр министры Сергей Лавровның федерациянең биш субъекты губернаторлары белән очрашуында катнашты

2017 елның 13 марты, дүшәмбе

Бүген Татарстан Республикасы Президенты Рөстәм Миңнеханов Мәскәүдә эш сәфәрендә иде.

Эш сәфәре кысаларында Рөстәм Миңнеханов Россия Тышкы эшләр министры Сергей Лавровның федерациянең биш субъекты губернаторлары белән очрашуында катнашты.

Чара Россия Федерациясе Тышкы эшләр министрлыгының кунак йортында узды, очрашуда Татарстан, Алтай крае, Якутия, Башкортостан, Хакасия төбәкләре башлыклары катнашты.

Очрашу кысаларында Россия төбәкләренең тышкы багланышлары, иҗтимагый дипломатияне үстерү мәсьәләләре, төбәкләрнең дөньяның төрле илләрдә яшәгән ватандашларын берләштерү эше турында фикер алыштылар, шулай ук гуманитар, ягъни мәдәни, мәгариф һәм башка элемтәләрне ныгыту буенча киләчәк адымнар турында да сөйләштеләр.

Россия Федерациясе Тышкы эшләр министрлыгы белгечләре фикеренчә, бүген иҗтимагый дипломатия җитди роль уйный, мәсәлән, мондый дипломатия ЮНЕСКО линиясе буенча хезмәттәшлектә зур ярдәм күрсәтә.

Моннан тыш, Рөстәм Миңнехановның Россия Федерациясе Тышкы эшләр министры Сергей Лавров белән ике яклы очрашуы да узды.

ТР Президенты Матбугат хезмәте, Елена Бритвина. "ТНВ" Мәскәү филиалы материаллары файдаланылды.

ВИДЕОРЕПОРТАЖНЫ КАРАУ ВИДЕОРЕПОРТАЖ ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июль, 2024 ел

ТР БИТИ директоры итеп Илнар Хафизов билгеләнде

Татарстан Республикасының Баш инвестицион-төзелеш идарәсе дәүләт казна учреждениесе директоры итеп Хафизов Илнар Фәнил улы билгеләнде. Бу хакта бүген Татарстан Республикасы Хөкүмәте Йортында узган традицион шимбә киңәшмәсендә хәбәр ителде.

Татарстан Республикасы Авыл хуҗалыгы һәм азык-төлек министрлыгы башлыгы Марат Җәббаров: Татарстанда 40 район бөртекле культуралар суктыруга кереште

Татарстан Республикасында 40 район бөртекле культуралар суктыруга кереште – көзге бодай, арыш, борчак һәм арпа. Бүгенгә 1 млн 326 мең гектардан 86 мең га суктырылган, бу планның 6,5 %ы, 288 мең тонна ашлык суктырылган, уртача уңыш – 33,5 ц/га (2023 елда - 29,9 ц/га). Мондый мәгълүматларны бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров китерде. Киңәшмәне республиканың барлык муниципаль районнары белән видеоконференцэлемтә режимында Татарстан Рәисе Рөстәм Миңнеханов уздырды. Чарада ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин катнашты.

июль, 2024 ел

Коммуналь инфраструктура объектларын модернизацияләү турында Татарстан Республикасы Министрлар Кабинетында узган брифингта фикер алыштылар

Бүген Татарстан Республикасы Министрлар Кабинетында узган брифингта коммуналь инфраструктураны модернизацияләүнең федераль һәм республика программаларын гамәлгә ашыру турында сөйләделәр. Журналистлар алдында Татарстан Республикасы төзелеш, архитектура һәм ТКХ министры Марат Айзатуллин, «Татэнерго» АҖ генераль директорының стратегик үсеш буенча урынбасары Рим Галиәхмәтов, «Казэнерго» АҖ генераль директоры Фәнис Нурмөхәммәтов, «Водоканал» МУП генераль директорының беренче урынбасары Марат Сәлахов чыгыш ясады.

июль, 2024 ел

Татарстанда «Безнең ишегалды" программасы кысаларында чаралар дәвам итә, кайбер эшләр артка калып бара.

«Безнең ишегалды» программасы кысаларындагы чаралар турында бүген Татарстан Республикасы Хөкүмәте Йортында узган киңәшмәдә «ТР шәһәрләрен үстерү институты» фонды директоры Наилә Зиннәтуллина хәбәр итте. Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.

ЯҢАЛЫКЛАРГА ЯЗЫЛУ

ВИДЕОРЕПОРТАЖНЫ КАРАУ ВИДЕОРЕПОРТАЖ ФОТОРЕПОРТАЖНЫ КАРАУ Фоторепортаж