Илдар Халиков РФ һәм ТР Дәүләт бүләкләре тапшырды

Бүген Казан Кремленың вәкиллекле корпусында республикабызның төрле өлкәдә хезмәт куючы алты дистәдән артык мактауга ия кешесенә Дәүләт бүләкләре тапшыру тантанасы булды.
Мондый чарага килгәндә һәрчак дулкынлану тоясың, чөнки Дәүләт бүләге алырга килгән һәр кеше, аның гаиләсе, туганнары һәм якыннары өчен ул - истә кала торган тантаналы һәм тормышында, хезмәт баскычындагы әһәмиятле вакыйганың берсе, дип сүз башлады шушы вазифаны башкару йөкләнгән ТР Премьер-министры Илдар Халиков. “Татарстанда ул аеруча үзенчәлекле. Илебезнең, дөньяның төрле почмакларында Татарстан Республикасы дигән матур һәм горур исем көчле яңгырый. Мәдәният, сәламәтлек саклау, сәнәгать һәм башка өлкәләргә бәйле матур гамәлләре белән мактала ул, бүген бөтен дөнья спортка бәйләп Татарстанны телгә ала. Россия Федерациясе Президенты Дмитрий Медведев, илебез җитәкчелеге казанышларны күрә һәм бәяли белә – шунысы куанычлы. Республиканың данлы исемен үзенең эш урынында корычтай коючыларның хезмәтен Татарстан Республикасы Президенты Рөстәм Миңнеханов тарафыннан бәяләнә”, - дип искәртте Премьер-министр һәм чит илдә хезмәт сәфәрендә булган ТР Президентының сәламнәрен һәм котлауларын Кремль кунакларына тапшырды.
ТР Хөкүмәте башлыгы И.Халиков рәхмәт сүзләренә төреп тапшырган Россия Федерациясе һәм Татарстан Республикасы бүләкләрен алучылар арасында генераль директор һәм директор урынбасары, генераль конструктор, автомобиль йөртүче, кафедра доценты, профессор, баш табиб, рәссам, министр урынбасары, артист, муниципаль берәмлек башлыгы, режиссер, баш бухгалтер, судья, суд составы рәисе, укытучы, асфальт-бетон салу техникасы машинисты һ.б. төр һөнәр иясе, вазифа башкаручылар чакырылган.
Аерым алганда, РФнең II дәрәҗә “Ватан алдындагы хезмәтләре өчен” ордены медале белән бүләкләгән 7 шәхес арасында Казан дәүләт мәдәният һәм сәнгать университеты кафедрасы доценты Рима Таишева (халкыбызның танылган җырчысы Римма Ибраһимова), “Камдорстрой” автобазасы машина йөртүчесе Марсель Бинков та бар. ТР финанс министры урынбасары Рифнур Сөләйманов, ТР сәламәтлек саклау министры урынбасары Руфина Голубева, Н.Г.Җиһанов исемендәге Казан дәүләт консерваториясенең кафедра доценты һәм вокалчы Клара Хәйретдинова, рәссам Рөстәм Килдебәков, Республика клиник онкология диспансерының бүлек мөдире Илдар Әгълиуллин, Казан дәүләт архитектура-төзелеш университетының кафедра мөдире Александр Чебинев – 11 кешегә РФнең мактаулы исемнәре бирелгәннәрдән.
“Татарстан Республикасы алдындагы казанышлары өчен” орденына бары тик сәламәтлек саклау тармагы ветераны Евгений Карпухин, ә “Фидакарь хезмәт өчен” медалена 13 кеше лаек дип табылган: Казан дәүләт медицина академиясе ректоры Камил Зыятдинов, Казан шәһәре Башкарма комитеты башлыгының беренче урынбасары Азат Нигъмәтҗанов, ТР Арбитраж суды суд составы рәисе Люция Фәсхиева, Тәтеш районы башлыгы Мохәррәм Ибәтов, ТР Президентының эшләр идарәсе карамагындагы Кунак йорты инженеры Екатерина Мәксутова, “Казанский Гипронииавиапром” ЯАҖ техник директоры Сергей Лалетин һ.б.
Казан федераль университетының А.М.Бутлеров исемендәге Химия институты белән Тел институтының кафедра профессорлары Эльвина Медянцева һәм Фаина Ратнер, Казан дәүләт технология университеты профессорлары - проректор Валерий Аляев һәм кафедра мөдире Олег Стоянов, Республика клиник хастаханәсе баш табибы урынбасары Ольга Сафина, Г.Кариев исемендәге Казан Татар дәүләт яшь тамашачы театры драма артисты Рәмзия Закирҗанова, “Яңа гасыр” телерадиокомпаниясе режиссеры Нурания Җамалиева, ТР Югары суды судьясы Фидаил Вәлиев - Татарстанның мактаулы исемнәре алучы 32 кеше арасында әнә шундый мөхтәрәм затлар бар.
Шушы үзенчәлекле вакыйга белән һәркайсыгызны котлыйм, тормышыгызда ул соңгысы булмасын, иң мөһиме – иҗат итү, нидер җитештерү-булдыру алга таба да насыйп булсын сезгә, дип теләде ТР Хөкүмәте җитәкчесе Илдар Халиков.