ЯҢАЛЫКЛАР

Татарстан Республикасы территориясендә Россия Президентын сайлау буенча сайлау кампаниясе элеккесенә караганда тынычрак, тотнаклырак тәртиптә үтте. Бу турыда бүген Татарстан Республикасы Министрлар Кабинетында булып үткән традицион брифингта Үзәк сайлау комиссиясе башлыгы Анатолий Фомин хәбәр итте. “Республика территориясе буенча сайлау нәтиҗәләре буенча ахыргы мәгълүмат бүген көндезге бердә билгеле булачак”, - дип хәбәр итте Анатолий Фомин.

Бүген Казанда Татарстан Республикасы Гадәттән тыш хәлләр министрлыгының Янгынга каршы тору дәүләт хезмәте бинасы каршындагы спорт-тренировка мәйданында янгын-коткару спорты буенча Татарстан Республикасы Премьер-министры Кубогына республика ачык ярышларының беренче көнендә җиңүчеләрне бүләкләү оештырылды. Көч сынашуның беренче призерларын Татарстан Республикасы Премьер-министры Рөстәм Миңнеханов котлады.

Узган елда Әлмәт муниципаль районында сәнәгать производствосы индексы 102,9 процент тәшкил итте. Әлеге саннар бүген Татарстан Республикасы Премьер-министры Рөстәм Миңнеханов катнашында Әлмәт муниципаль районы һәм Әлмәт шәһәре советларының берләштерелгән утырышында яңгырады.

Бүген Яшел Үзәндә муниципаль районның җирле берләштерелгән советы сессиясе булып узды. Аның эшендә Татарстан Республикасы Премьер-министрының беренче урынбасары Равил Моратов та катнашты.

25 нче февральдә “АК БАРС” БАНК ААҖ һәм KP Chemical Корея компаниясе арасында уртак предприятие турындагы килешүгә тантаналы рәвештә кул кую булды. Әлеге килешү кысаларында Татарстан Республикасы махсус икътисади зонасы территориясендә яңа нефть химиясе полиэтилентерефталат (ПЭТФ) производствосы төзеләчәк. Бу проектка каралган инвестицияләр күләме 100 млн. евродан артык тәшкил итәчәк.

Кадерле Татарстан Республикасы гражданнары! Бүген без батырлык, ныклык, Ватанга бирелгәнлекне символлаштыра торган барлык халыкның яраткан бәйрәмнәреннән берсен билгеләп үтәбез. Ул һәр гаиләдә бәйрәм ителә. Илебезнең данлы тарихындагы барлык этапларда да Ватанны саклаучылар, үзләрен аямыйча, аның чикләрен саклап килделәр. Әлеге тантаналы көндә без данлы Кораллы Көчләребезнең барлык буынын хөрмәтлибез. Нәкъ менә алар Росссия дәүләтенең тотрыклылыгы һәм тынычлыгы терәге булдылар һәм шулай булып калачаклар да.

Бүген Татарстан Республикасы Премьер-министры Рөстәм Миңнеханов Чүпрәле районының Уби авылында балалар һәм яшүсмерләр өчен “Җылы йорт” социаль ятимнәр йортының күп функцияле бинасын ачуда катнашты. Ятимнәр йорты 30 тәрбияләнүчегә исәпләнгән. Аның гомуми мәйданы 1057 кв. метр. 10 га да өй янындагы участогы бар. Ятимнәр йортын төзү 2002 елда башланган иде.

Бүген Рөстәм Миңнеханов “2008 елда Татарстан Республикасында төзелеш комплексы үсеше – төбәкнең инвестицион потенциалы” беренче конференциясен ачу вакытында чыгыш ясаганда: “Илнең үсеше күбесенчә безнең төзелеш комплексының бүген үзе алдында торган мәсьәләләрне чишәргә ни дәрәҗәдә әзер торуына бәйле булачак”, - диде. Казанда (“Мираж” кунакханәсе) үткәрелә торган конференциянең оештыручылары Татарстан Республикасы Төзелеш, архитектура һәм торак-коммуналь хуҗалык министрлыгы һәм “КоммерсантЪ” нәшрият йорты (Идел-Урал вәкиллеге) булды.

Бүген Татарстан Республикасы Премьер-министры Рөстәм Миңнеханов Татарстан Республикасы Министрлар Кабинетында Татарстан Республикасы территориясендә урнашкан сәнәгать предприятиеләре тарафыннан дәүләт оборона заказын үтәү мәсьәләләре буенча киңәшмә үткәрде.

Бүген, 2008 елның 18 нче февралендә, Татарстан Республикасы Премьер-министры Рөстәм Миңнехановның Сәламәтлек саклау һәм социаль үсеш буенча федераль агентлык җитәкчесе Юрий Никитич Беленков белән очрашуы булып узды.