ЯҢАЛЫКЛАР

Бүген Татарстан Республикасы Премьер-министры Рөстәм Миңнеханов Татарстан Республикасы Министрлар Кабинетында Турыдан-туры һәм венчурлы капитал салуның Россия Ассоциациясе (РАВИ) башкарма директоры Альбина Никконенны кабул итте. Сүз 3-4 нче июль көннәрендә Татарстан башкаласында III Казан венчур ярминкәсен оештыру һәм үткәрү турында барды. Альбина Никконен хәбәр иткәнчә, бу венчур ярминкәсе “инновацияләр үсеше өчен бик яхшы мәйданчык була ала”.

Татарстан Республикасында гамәли кулланылышта йөри һәм файдаланыла торган мотор ягулыгының сыйфатын тикшерү буенча айлык кысаларында 350 объект тикшерелеп, аларның 344 е автомобильләргә бензин салу станцияләре һәм 6 нефть базасы булды. Бу турыда бүген Татарстан Республикасы Министрлар Кабинетында узган брифингта “Ягулык-энергетика ресурсларын рациональ файдалану идарәсе” дәүләт учреждениесе җитәкчесе Роберт Гыйләҗиев хәбәр итте.

Бүген Татарстан Хөкүмәте бинасында социаль-хезмәт мөнәсәбәтләрен җайга салу буенча видеоконференция режимында республиканың өчьяклы комиссиясе утырышы булып узды. Анда узган елга йомгак ясалды.

Бүген Татарстан Республикасы Премьер-министры Рөстәм Миңнеханов Татарстан Республикасы Министрлар Кабинетында Россия Теннис Федерациясе президенты Шамил Тарпищев һәм Бөтендөнья теннис федерациясе президенты Франческо Риччи Битины кабул итте. Сүз теннисны үстерү һәм шулай ук, 2013 елгы Универсиаданы үткәрүгә официаль кандидат-шәһәр буларак, Казанга ярдәм итү турында барды.

Бүген Татарстан Республикасы Премьер-министры Рөстәм Миңнеханов җитәкчелегендәге Татарстан делегациясе, Студентлар спортының Европа Ассоциациясе киңәшмәсендә катнашу өчен, Стамбулга оча. Делегация составына Татарстан Республикасы яшьләр эшләре, спорт һәм туризм министры Марат Бариев, Россия студентлар спорты союзы президенты, FISU башкарма комитеты әгъзасы Олег Матыцин һәм башка рәсми кешеләр керде.

Бүген Татарстан Республикасы Хөкүмәте порталында 10 миллионынчы визит теркәлгән. Бу 10 000 000 кулланучыны киң порталның түбәндәге мөмкинлекләре җәлеп иткән дигән сүзне аңлата: Татарстан башкарма хакимияте органнарының мәгълүмати ресурсларына керү юлы, дәүләти ярдәм турында төгәл мәгълүмат, матбугат өчен зур сандагы сервислар, гражданнарга һәм оешмаларга теләсә кайсы дәүләт органына сораулар һәм тәкъдимнәр белән мөрәҗәгать итүгә мөмкинлек бирә ала торган бердәм интернет-кабул итү булу.

Бүген Татарстан Республикасы Министрлар Кабинетында республика Премьер-министры Рөстәм Миңнеханов рәислегендә нанотехнологияләр үсеше буенча эшлекле киңәшмә үткәрелде.

Бүген, 10 мартта, Татарстан Республикасы Премьер-министры Рөстәм Миңнеханов, XXVII Бөтендөнья җәйге Универсиада-2013 не үткәрүгә кандидат-шәһәр буларак, Казанның заявка китабын тәкъдир итүдә катнашу өчен, Брюссельгә очачак. Республика Хөкүмәте башлыгы заявкалар комитеты рәисе дә булып тора. Шуны искәртеп үтик: Казанның заявка китабын тәкъдир итү бүген кич белән Бельгия башкаласында FISU (Federation International Sports University – Студентлар спорты халыкара федерациясе) штаб-фатирында булачак.

Иртәгә Татарстан делегациясе, Универсиада-2013 не үткәрүгә кандидат-шәһәр буларак, Казанның гаризалар китабын тәкъдир итү өчен, Брюссельгә китә.

Бүген Казанда “Казан дәүләт технология университеты" югары һөнәри белем дәүләти белем бирү учреждениесенә караган "Союзхимпромпроект" проект институтының яңа корпусын кулланылышка тапшыру тантанасы булып узды. Анда Татарстан Республикасы Премьер-министры Рөстәм Миңнеханов, Татарстан Республикасы төзелеш, архитектура һәм торак-коммуналь хуҗалык министры Марат Хөснуллин катнашты.