ЯҢАЛЫКЛАР
Татарстан территориясендә 81 төр аучылык хайваннары яши, шуларның икесе марал һәм таплы болан күптән түгел барлыкка килде. Бүген Татарстан Республикасы Министрлар Кабинетында узган брифингта бу турыда Биологик ресурслар буенча Татарстан Республикасы дәүләт комитеты рәисе Федор Батков хәбәр итте.
Бүген Свияжскта Богородица-Успение соборын торгызуга 25 ел тулу уңаеннан тантаналар узды. Чарада Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Казан һәм Татарстан митрополиты Кирилл, Зеленодольск районы башлыгы Михаил Афанасьев, архипастырьлар, Татарстан митрополиясе руханилары һәм ышанучы кешеләр катнашты.
Татарстанда «Безнең ишегалды» программасы кысаларында күп фатирлы торак йортларның ишегалларында юл эшләре дәвам итә. Юл эшләрен башкаруның уртача проценты – 94%. Шул ук вакытта Аксубай, Актаныш, Апас, Чүпрәле, Мөслим, Балык Бистәсе, Сарман, Спас, Тәтеш, Чирмешән һәм Ютазы районнарында юл эшләре тәмамланган. Тагын 11 муниципаль районда юл эшләрен 30 августта тәмамлау планлаштырыла.
Бүген бу хакта Татарстан Республикасы Хөкүмәте Йортында узган республика киңәшмәсендә «Татарстан Республикасы шәһәрләрен үстерү институты» фондының стратегик проектлар белән идарә итү департаменты җитәкчесе Арина Петрова хәбәр итте.
Татарстан Республикасында бөртекле культураларның 73%ы җыелган. Суктыру 4 млн. тонна тәшкил итә (ашлык кукурузын исәпкә алмыйча). Уңыш 37,5 ц/га тәшкил итә. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы авыл хуҗалыгы һәм азык-төлек министры Марат Җәббаров хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин катнашты.
Татарстан Республикасында төзелеш, дәүләт программаларын һәм илкүләм проектларны гамәлгә ашыру дәвам итә. Торакны файдалануга тапшыру буенча планны үтәү еллык күләмнең 84%ын тәшкил итә – бу 2,312 млн. кв. м (узган ел дәрәҗәсенә карата 128,0%). Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин катнашты.
Татарстан биш ел эчендә, Кече шәһәрләр һәм тарихи җирлекләрнең бөтенроссия конкурсында катнашып, җәмәгать киңлекләрен үстерүгә 2,5 млрд. сумнан артык акча откан. Бу хакта ТР Министрлар Кабинетында узган брифингта республикада шәһәр мохитен үстерү программалары кураторы Наилә Зиннәтуллина сөйләде.
Бүген Зәйдә реконструкциядән соң Россия Эчке эшләр министрлыгының Зәй районы буенча бүлеген ачу тантанасы булды. Чарада Татарстан Республикасы Премьер-министры Алексей Песошин, Татарстан Республикасы буенча эчке эшләр министры полиция генерал-лейтенанты Артем Хохорин, Россия Эчке эшләр министрлыгының Юл хәрәкәте иминлеге дәүләт инспекциясе башлыгы урынбасары вазыйфаларын вакытлыча башкаручы эчке хезмәт полковнигы Дмитрий Долматов, Зәй районы башлыгы Рәзиф Кәримов, шулай ук Зәй районы хокук саклау органнары җитәкчеләре катнашты.
Бүген Татарстан Республикасы Премьер-министры Алексей Песошин Зәй муниципаль районында булды. ТР вице-премьеры – авыл хуҗалыгы һәм азык-төлек министры Марат Җәббаров белән бергә, ул урып-җыю кампаниясенең барышы белән танышты һәм җирле авыл хуҗалыгы хезмәтчәннәре белән очрашты.
Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсе Татарстанда яшәүчеләргә җәмәгать урыннарында һәм транспортта битлек кияргә тәкъдим итә. Бу хакта бүген ТР Министрлар Кабинетында узган брифингта Роспотребнадзорның ТР буенча идарәсе җитәкчесе Марина Патяшина хәбәр итте.
Брифинг Татарстан Республикасында санитар-эпидемиологик хәлгә багышланган иде. Марина Патяшинадан тыш, анда ТР Премьер-министры урынбасары Ләйлә Фазлыева да катнашты.
Татарстан Республикасында 752 мең га мәйданда ашлык суктырылган, ягъни планның 50%ы. ТР Хөкүмәте Йортында узган киңәшмәдә ТР Премьер-министры урынбасары – ТР авыл хуҗалыгы һәм азык-төлек министры Марат Җәббаров урып-җыюның барышы турында мәгълүмат бирде.
Киңәшмәне видеоконференция режимында барлык муниципаль районнар белән Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.