Минтимер Шәймиев СССР һәм Россия космонавтлары делегациясе белән очрашты

Бүген Казанга Россия космонавтикасы көне кысаларында СССР һәм РФ космонавтлары делегациясе килде. Алар көннең беренче яртысында Казан Кремлендә Кол Шәриф мәчетендә һәм Благовещенский Соборында булды, аннары дәрәҗәле кунаклар ТР Дәүләт киңәшчесе Минтимер Шәймиев белән очрашты.

Казан Кремлендә космонавтлар делегациясен ТР Президентының социаль мәсьәләләр буенча ярдәмчесе, ТР Тарих һәм мәдәният һәйкәлләрен торгызу буенча республика фонды башкаручы директоры Татьяна Ларионова каршы алды. Ул кунакларга Зөя утрау-шәһәрчеген һәм Борынгы Болгар шәһәрен торгызу проектын тәкъдим итте.
“Татарстанда бер җирдә мөселман һәм православие тарихи һәйкәлләре урнашкан. Бу Татарстанның яшәү рәвеше, шулай ук республикада толерант мөнәсәбәтләрне характерлый. Борынгы һәйкәлләрне торгызып, хәзерге буынны рухи яңартуга барабыз”, - дип билгеләп үтте Т.Ларионова.
“Конференция залында делегация Минтимер Шәймиев белән очрашты. Анда очучы-космонавт, ике тапкыр Советлар Союзы герое Георгий Гречко белән хәләл җефете, Космонавтики федерациясе баш табибы Людмила Гречко, С.Королевның кызы Наталия Королева катнашты.
Шулай ук делегация составында очучы-космонавтлар, Советлар Союзы һәм Россия геройлары Василий Циблиев, Михаил Корниенко, Анатолий Арцебарский, Александр Баландин да бар. Моннан тыш очрашуга Юрий Гагаринны җиргә төшүен төшергән бердәнбер оператор һәм С.Королевның шәхси кинооператоры Мәхмүт Рафиков һ.б. да чакырылган иде.
Минтимер Шәймиев дәрәҗәле кунакларга Татарстан Президенты, шәхсән үзеннән һәм барлык татарстанлылар исеменнән Казанга килергә вакыт тапканнары өчен рәхмәт белдерде.

Россия галимнәренең, алар исәбендә Казанда яшәгән һәм эшләгән Сергей Королев, шулай ук күптән түгел вафат булган Борис Черток гомерләрен космик аппаратлар һәм ракеталар белән идарә итү системасын эшләүгә багышлап, зур батырлык эшләүләрен билгеләп үтте М.Шәймиев.

Ул Сергей Королевның кызы Наталия Королевага аерым рәхмәт сүзләре җиткерде. Сугыш елларында Казанда Россиянең төрле почмакларыннан күп санлы танылган галимнәр эшләде дип билгеләп үтте ТР Дәүләт киңәшчесе.

“Сез илгә хезмәт итәргә кирәклеген исбатлаучылар. Яшь буынга үрнәк алырлык кешеләр бар”, - дип тәмамлады сүзен ТР Дәүләт киңәшчесе һәм кунакларны җәй Болгар һәм Зөягә экскурсиягә чакырды.

Очучы-космонавт, ике тапкыр Советлар Союзы герое Георгий Гречко Минтимер Шәймиевкә Казанга чакыру өчен рәхмәт белдерде һәм 80 яшь булуга кармастан, хәзерге көнгә кадәр җир Идел ярыннанмы әллә космостан матурракмы дип уйланам дип белдерде. Танылган космонавт Татарстан космосны үзләштерүдә актив катнашты дип белдерде.

Г.Гречко очрашу истәлеге итеп М.Шәймиевка “Первый навсегда” китабын бүләк итте һәм беренче космонавт турындагы китапны Татарстанның беренче Президентына бүләк итәм дип билгеләп үтте.

Сергей Королевның кызы Наталия Королева Татарстанның үсеше, Казанның һәм республиканың уңышлары турындагы хәбәрләрне кызыксынып тыңлыйм дип белдерде. Ул М.Шәймиевка үзенең “С.П.Королев. Отец” өч томлыгын бүләк итте. “Сез Татарстан өчен генә түгел, ә ил өчен күп эш башкарыгыз”, - диде Наталия Королева ТР Дәүләт киңәшчесенә мөрәҗәгать итеп.