Рөстәм Миңнеханов: “Ак Барс” алтын медальләр өчен көрәшергә тиеш”

Бүген Татарстан Президенты Рөстәм Миңнеханов “Ак Барс” хоккей командасының уенчылары һәм тренерлары белән очрашты. Республика башлыгы плей-офф матчлары алдыннан хоккейчыларга уңышлар теләде.

Рөстәм Миңнеханов хәлиткеч уеннар алдыннан даими чемпионаттагы уңышлар һәм уңышсызлыклар турында онытырга чакырды. “Булган хәлләр сезнең өчен сабак булсын, хәзер аларны игътибарга алу кирәкми, - дип мөрәҗәгать итте Р.Миңнеханов хоккейчыларга. – Барысы да яңадан башлана һәм барысы да сездән тора. Кемнедер гаепләү вакыты түгел, хәзер барыгыз да җиңү өчен көрәшергә тиеш”.

Татарстан Президенты “Ак Барс”ның Континенталь хоккей лигасы чемпионатында җиңү өчен көрәшү көченнән киләчәк дип ышана. “Команданың потенциалы зур, шуңа күрә җиңү өчен тырышырга кирәк. Барлык командалар да җитди көндәшләр, барысы да алтын медаль яуларга тели, әмма “Ак Барс” чемпионатта катнашуга дәгъва белдерергә сәләтле”, - дип саный Рөстәм Миңнеханов.

Рөстәм Миңнеханов клуб президенты – “Татнефть” ААҖ генераль директоры Шәфәгать Тәхаутдиновка уенчылар өчен тиешле шартлар булдыруны йөкләде.

“Ак Барс” – ул безнең республика символы. Сезнең җиңү – безнең җиңү, сезнең җиңелүләр, шулай ук безнеке дә. Хәзер безгә сезнең уңышларыгыз җитми”, - дип мөрәҗәгать итте Рөстәм Миңнеханов команда әгъзаларына.

“Ак Барс” плей-оффның беренче раундында Уфаның “Салават Юлаев” командасы белән уйнаячак. Беренче ике матч 1-2 мартта Казанда уза.