Татарстан Республикасы Хөкүмәте

ТР Президенты РФ Милли медицина палатасы башлыгы белән очрашты

2012 елның 27 феврале, дүшәмбе

Татарстан башлыгы Рөстәм Миңнеханов Россия Милли медицина палатасы президенты Леонид Рошаль белән очрашты.

Леонид Рошаль Казанга лекция укыр өчен килде. Бүген танылган табиб Татарстан медицина тармагы җитәкчелеге һәм медицина җәмәгатьчелеге алдында доклад белән чыгыш ясаячак. Әңгәмәнең төп темасы – Россия сәламәтлек саклау тармагын камилләштерү һәм үстерүдә гражданнар җәмгыятенең роле.

Кичәге очрашу барышында Татарстан Президенты Рөстәм Миңнеханов Леонид Рошальгә республикада сәламәтлек саклау системасын модернизацияләү программасын гамәлгә ашыруның барышы хакында сөйләде. Р.Миңнеханов һәм Л.Рошаль шулай ук Россиядә медицина тармагын үстерү мәсьәләләре хакында да фикер алышты.

ТР Президенты матбугат хезмәте

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

ТР Хөкүмәте Йортында узган брифингта Татарстанның Җиңү көнен ничек билгеләп үтәчәге турында сөйләделәр

Бүгенге көндә Татарстанда 1941-1945 еллардагы Бөек Ватан сугышының соңгы шаһитлары булган 92 фронтовик яши. Ветераннарга ярдәм чаралары һәм республиканың Җиңү көнен - 9 Майны ничек билгеләп үтәчәге турында Татарстан Республикасы Министрлар Кабинетында узган брифингта сөйләделәр.

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ЯҢАЛЫКЛАРГА ЯЗЫЛУ

ФОТОРЕПОРТАЖНЫ КАРАУ Фоторепортаж