Алексей Песошин “Сетевая компания” ААҖ Директорлар советы утырышын уздырды
Бүген Татарстан Республикасы Премьер-министры Алексей Песошин рәислегендә “Сетевая компания” ААҖ Директорлар советының чираттагы утырышы узды.
Утырышта кулланучыларны электр энергиясе белән тәэмин итүнең ышанычлылык мәсьәләләре, җитештерү һәм финанс - икътисади эшчәнлек нәтиҗәләре, 2018 елның 6 ае эчендә компаниянең капиталь төзелеш планын гамәлгә ашыру мәсьәләләре каралды.
2018 елның 1 яртыеллык нәтиҗәләре буенча Татарстан Республикасы кулланучыларына электр энергиясен тапшыру буенча күрсәтелгән хезмәтләр 12,59 млрд кВт. с. тәшкил иткән, узган елның шул вакытына караганда 2%ка югарырак.
2018 елга расланган капиталь төзелеш планы буенча капиталь кертемнәр күләме 6,6 млрд тәшкил иткән. Хисап чорында капиталь кертемнәрнең үзләштерелгән күләме расланган планга туры килә.
2018 елның 1 ярты елында кулланучыларны компания челтәренә кушу өчен электр челтәре хуҗалыгының 1 429 объекты файдалануга тапшырылган, төзелгән электр тапшырулары линияләренең озынлыгы 158 км тәшкил итә.
Зур һәм икътисади әһәмиятле проектларны гамәлгә ашыру дәвам итә.