Казан Кремлендә ТР Президенты Приморски крае губернаторы белән очрашты

Бүген Казан Кремлендә ТР Президенты Рөстәм Миңнеханов Казанга эш сәфәре белән килгән Приморски крае губернаторы Владимир Миклушевский белән очрашты. Очрашуда ТР Премьер-министры Илдар Халиков та катнашты.

Приморски крае делегациясе Татарстанга визит кысаларында Казан ИТ-паркында, шулай ук Яшел Үзән һәм Түбән Кама предприятиеләрендә булды.

Кремльдә Татарстан Президенты бу беренче очрашу түгел, алдагы очрашулар яхшы узган иде дип искәртте. “Безнең төбәкләр бер-берсенә кирәк. Хезммәтәшләр өчен тәҗрибә уртаклашу һәм элемтәләр бик мөһим. Безнең тырышуларыбыз нәтиҗә бирәчәгенә ышанам”, - диде ул.

Рөстәм Миңнеханов Приморски крае губернаторына VII Казан венчур ярминкәсендә катнашкан өчен рәхмәт белдерде. “Бу традицияне саклау зарур, сезнең хезмәттәшләр анда катнашырга тиеш, чөнки Россиядә венчур бизнесы башлангыч стадиядә генә әле. Тәҗрибә уртаклашу безнең өчен бик кирәк”, - диде ул.

Республика башлыгы очрашуда бүген Казанда “Kazansummit-2012” IV Халыкара саммиты ачылды дип белдерде.

Моннан тыш, Рөстәм Миңнеханов РФ, бигрәк тә Приморье крае алдында киләсе елда АТЭС форумын үткәрү бурычы тора. Бу форум белән бәйле чаралар Татарстанда да узачак.

ТР башлыгы Татарстан белән Приморски крае хезмәттәшлек итә алу мөмкинлеге бирә торган документ бар дип билгеләп үтте. Рөстәм Миңнеханов сүзләренә караганда, бүген төгәл проектлар, конкрет башкаручылар һәм сроклар кирәк. Моның белән бәйле рәвештә, ул Приморски крае губернаторыннан эшче төркем җитәкчесен билгеләүне сорады, ә Татарстан ягыннан ул ТР Премьер-министры урынбасары Шамил Гафаров булачак. Бу Приморски краена сәфәр кысаларында, Владивостокта 30 июньдә узачак федераль Сабантуен үткәргәндә эш итү программасын имзалау өчен кирәк, чөнки хезмәттәшлекне үстергәндә кая ничек хәрәкәт итәргә икәнлекне белү зарур.

Рөстәм Миңнеханов Татарстанга Приморски крае белән мәгариф өлкәсендә хезмәттәшлек итү кызыклы, шул исәптә студентлар һәм укытучылар белән алмашу, бизнесны үстерүдә диде. Республика Приморьега IT-юнәлешләрне үстерергә һәм программа продуктларын этәрүдә ярәм итәргә әзер булулын белдерде.

Федераль Сабантуй татарлар өчен генә түгел, ә бар халык өчен дә булачак, диде Татарстан Президенты.

Рөстәм Миңнеханов үз чыгышы ахырында Приморски крае губернаторына һәм аның командасына Татарстанга белдергән игътибарлары өчен рәхмәт белдерде. “Без хезмәттәшлек итәргә ачык”, - дип тәмамлады ул сүзен.

Владимир Миклушевский үз чиратында Татарстан Президентына кунакчыл булуы өчен рәхмәт белдерде. “Татарстан электрон хөкүмәт, инновацион икътисад буенча алда бара. Моны күп кенә субъектларның Татарстанга өйрәнергә килүләре исбатлый. Бүген безнең алда Приморьеда электрон хөкүмәт, электрон дәүләт хезмәтләрен кертү, инновацион икътисад проеткларын үстерү бурычы тора. Туристлык секторын, шулай ук нефть һәм газ, судно төзелеше үстерү буенча Татарстан белән охшаш мәсьәләләр бар”, - диде ул.

Моннан тыш, Владимир Миклушевский федераль Сабантуй үткәрергә әзерләнәбез дип белдерде. “Бу мөһим вакыйга. Без аны тиешле дәрәҗәдә үткәрергә тиеш”, - дип тәмамлады ул сүзен.