ТР Президенты Ямалда яшәүче татарлар белән очрашты

2012 елның 8 сентябре, шимбә
Бүген Ямал-Ненец автономияле округына эшлекле сәфәре кысаларында Татарстан Президенты округта яшәүче татарлар белән очрашты. Очрашуда округ губернаторы Дмитрий Кобылкин да катнашты.

Ул Ямалда 200гә якын милләт вәкиле яшәвен җиткерде. Округта 28 мең татар яши һәм эшли, алар округның икътисадый, иҗтимагый һәм мәдәни тормышында актив катнаша.

Татарстан Президенты Рөстәм Миңнеханов ЯНАО җитәкчелеген һәм губернаторның үзен татарларга бирелә торган игътибарлары өчен рәхмәтен җиткерде. Республика башлыгы сүзләренчә, округта ел саен Сабан туе уза, мәчетләр, татар иҗтимагый оешмалары эшли. "Безнең ил һәр милләтнең тарихы, традицияләре белән көчле. Безнең максат - аларны саклау", - диде Рөстәм Миңнеханов.

Очрашуда туган телне саклау проблемалары турында фикер алышынды.

Ямалда яшәүчеләр Татарстан Президентыннан округка Татарстан мәдәният һәм сәнгать әһелләрен җибәрүне оештыруны сорады. ТР Президенты белән Ямал губернаторы Дмитрий Кобылкин бу тәкъдимне хуплады.
ТР Президенты матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International