ТР Президенты республика урманчыларына 31 “УАЗ” автомобиле ачкычы тапшырды

Урман хезмәткәрләре көнендә ТР Президенты Рөстәм Миңнеханов участок урман хуҗалыкларына һәм Лубянский урман хуҗалыгы көллиятенә урманнарны янгыннан саклауны оештыру һәм урман фонды территориясендә дәүләт урман контроле үткәрү өчен 31 “УАЗ” автомобиле ачкычы тапшырды.

ТР урман хуҗалыгы министры Наил Мәгъдиев сүзләренә караганда, урманчыларга бу автомобильләр хокук бозу очракларын ачыклау өчен кирәк. “Бу бүләк кенә түгел, ә урман хуҗалыгы хезмәткәрләренең нәтиҗәле эшчәнлеге өчен яхшы корал”, - дип саный Н.Мәгъдиев.

ТР Президенты билгеләп үткәнчә, республика җитәкчелеге урман хуҗалыгына игътибарлы. Шулай ук Рөстәм Миңнеханов Татарстан Республикасында урманнар ул кадәр күп түгел: урманнарга бай районнар, шул ук урманнар аз булганнары да бар дип билгеләп үтте. “Әгәр без 21 гасырда урманны саклый алмыйбыз икән, бу безнең кулдан килмәү турында сөйли. Татарстанда мондый хәл юк дип саныйм. Безнең республика мондый байлык юкка чыгуына ирек куймаячак”, - дип билгеләп үтте Р.Миңнеханов.

Рөстәм Миңнеханов сүзләренә караганда, урман хезмәткәрләре – аерым категория кешеләре. “Урман хуҗалыгында очраклы кешеләр аз була. Әгәр кеше моның өчен тумаган икән, мөгаен, ул урманда эшли алмаячак”, - дип саный ТР Президенты.

Шулай ук ТР Президенты “Татарстан Республикасы урман хуҗалыгы: кичә, бүген, иртәгә” фотокүргәзмәсен карады һәм ТР урман хуҗалыгы әйдәп баручылар рәтендә булуын теләде.

Наил Мәгъдиев үз чиратында, ТР урман хуҗалыгы Росси Федерациясе субъектлары арасында иң яхшыларның берсе, дип ассызыклады.