Мәскәүдә чит ил һәм Россия компанияләре-инвесторлар өчен “Алабуга” махсус икътисади зонасын тәкъдим итү булды

Бүген Мәскәүдә чит ил һәм Россия компанияләре-инвесторлар өчен сәнәгать-җитештерү тибындагы “Алабуга” махсус икътисади зонасын тәкъдир итү булды. Чарада “Махсус икътисади зоналар” ААҖ генераль директоры Олег Костин, ТР Президенты Рөстәм Миңнеханов, “Алабуга” ААҖ генераль директоры Тимур Шаһивәлиев һ.б. катнашты.

“Алабуга” махсус икътисади зонасын (ТРның Алабуга муниципаль районы) тәкъдир итү “Дөнья брендлары ни өчен “Алабуга” махсус икътисади зонасын сайлый?” дигән сорауга багышланган иде. Кунакларга һәм потенциаль инвесторларга “Алабуга” махсус икътисади зонасы өстенлекләре, компанияләр – резидентлар, махсус икътисади зона территориясендә төзелгән һәм эшли торган инфраструктура өчен преференция турында сөйләделәр.

Исегезгә төшерик, бүген махсус икътисади зона территориясендә 31 компания – резидент теркәлгән, якындагы елларда аларның саны 60 ка кадәр үсәчәк. 2012 нче елның августында “Алабуга” махсус икътисади зонасын үстерүгә компания-резидентлар тарафыннан салынган инвестицияләрнең күләме 1 миллиард АКШ долларыннан артып киткән.

Бүгенге көндә “Алабуга” махсус икътисади зонасын ике тапкыр киңәйтү турында федераль хөкүмәт белән килешенгән карар бар.

Аерым алганда, АКШ Сәүдә-сәнәгать палатасы президенты Эндрю Сомерс (Andrew Somers) ТРда инвестицион климатны уңай дип бәяләде. Презентациядә катнашучылар “Алабуга” махсус икътисади зонасында җитештерү урыннарын урнаштырып, бизнес-проектларны тормышка ашыру бәясен өч тапкырга киметеп булачак, дип саныйлар.

Презентциядә катнашучылар алдында чыгыш ясаганда, ТР Президенты һәм “Алабуга” махсус икътисади зонасын Күзәтү Советы рәисе Рөстәм Миңнеханов махсус икътисади зонасы компанияләре-резидентларына хезмәт күрсәтү өчен югары профессиональ кадрларны әзерләргә кирәклеген, һәм республикада инде кадрлар мәсьәләсен хәл итәргә ярдәм итәчәк “вуз-сәнәгать” чылбыры булдырылуын билгеләде.

Белгечләр фикеренчә, бүген “Алабуга” махсус икътисади зонасы алдында алдагы вакытта инвесторларны һәм югары квалификацияле хезмәткәрләрне, шул иәсптән, тормыш өчен уңайлы шартлар булдыру, торак һәм социаль-мәдәни өлкәдәге объектларны төзү хисабына, җәлеп итү бурычы тора.