Ольга Дергунова: "Татарстан яшьләре инновацияләр белән кызыксына"

Бүген РФ икътисад үсеше министры урынбасары – дәүләт милке белән идарә итү Федераль агентлык җитәкчесе Ольга Дергунова Казан IT-паркында булды. Чарада ТР Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин, республиканың министрлыклары һәм ведомстволары җитәкчеләре катнашты.

Казан IT-паркы директоры Динар Насыйров кунакка IT-парк, компания-резидентлар эшчәнлеге турында сөйләде. Татарстанда электрон дәүләт хезмәтләре төрләре һәм аларны күрсәтү ысуллары турында ТР мәгълүматлаштыру һәм элемтә министры урынбасары Әнисә Гайнуллина сөйләде.

"Иннополис Казан" проектын ТР Премьер-министры урынбасары - ТР мәгълүматлаштыру һәм элемтә министры Роман Шәйхетдинов тәкъдир итте. Ул инновацион шәһәр-спутник төзелеше ТР Югары Ослан районында башлануын хәбәр итте. "Бүгенгә "Иннополис" ААҖ теркәлгән, 1,5 миллиард сумлык капитал тупланган", - дип әйтте министр.

1200 гектар җирдә якынча 155 мең кеше эшләр, дип планлаштырыла. Алар өчен берничә технопарк һәм барлык уңайлыклар белән инфраструктура төзеләчәк.

Моннан тыш, Ольга Дергуновага республиканың нефть-газ химиясе комплексындагы өстенлекле проектлар, һ.б. турында сөйләделәр.