Татарстан Президенты Рөстәм Миңнехановка “2030 елга кадәр Татарстан Республикасын үстерү стратегисе”нең беренче этабын тәкъдир иттеләр

Бүген Рөстәм Миңнехановка “Леонтьев үзәге” халыкара социаль-икътисадый тикшеренүләр үзәге (Санкт-Петербург) белгечләре экспресс-диагностика һәм  “2030 елга кадәр Татарстан Республикасын үстерү стратегиясе” проектын тикшерү программасыннан торган кыскача доклад тәкъдим иттеләр.
Тәкъдир итүдә  “Леонтьев үзәге” халыкара социаль-икътисадый тикшеренүләр үзәге” ЯАҖ  генераль  директоры Ирина Карелина,  “Леонтьев үзәге” халыкара социаль-икътисадый тикшеренүләр фәнни-тикшеренү программаларының директор-координаторы Леонид Лимонов, Бәйсез социологик тикшеренүләр үзәге директоры Виктор Воронков, Санкт-Петербург дәүләт университетының ирекле сәнгатьләр һәм фәннәр факультеты деканы, “Леонтьев үзәге” МЦСЭИ баш фәнни хезмәткәре Алексей Кудрин һәм башкалар катнашты.
Ирина Карелина белдерүенчә, бүген эшләр тикшеренүләрнең беренче этабы кысаларында тәкъдим ителәчәк. Республикадагы эш белгечләр өчен зур сынау булырга мөмкин, чөнки регион үсешенең югары дәрәҗәсе белән аерылып тора, монда чит илләрнең башка өлкәләрдәге алдынгы тәҗрибәсе актив рәвештә өйрәнелә һәм гамәлгә кертелә.
Тәкъдир итү кысаларында тикшеренүләрнең түбәндәге юнәлешләре буенча докладлар тәкъдим ителде – “Татарстан Республикасының глобаль конкуренциягә сәләтлелеге”, “Кеше. Җәмгыять. Дәүләт”, “Авыл җире”, “Транспорт-коммуникация киңлекләре”, “Татарстан Республикасының киләчәгенә идарә системасы”, шулай ук проект буенча киләчәк эшнең планы һәм графиклары.
ТР Президенты Р.Н. Миңнеханов тикшеренү кысаларында экспертларның эшен уңай бәяләде. Ул белдергәнчә, “2030 елга кадәр Татарстан Республикасын үстерү стратегисе” проекты бик мөһим, чөнки ул Татарстанның киләчәк үсеше өчен юнәлешләр билгели. Рөстәм Миңнеханов экспертларга рәхмәт белдерде, шулай ук Татарстан белгечләренең кайбер илләрнең, аерым алганда, Малайзия  һәм Сингапурның  социаль-икътисадый үсешендәге уңай тәҗрибәсен өйрәнүләрен дәвам итәчәкләрен белдерде. Безнең бу проект буенча уртак эшебез республиканың, Россия Федерациясенең икътисадый яктан алга киткән субъектларының берсе буларак, озак сроклы үсешенә планнар төзергә ярдәм итәчәгенә ышанам, дип белдерде.