ТР МК да фән-мәгариф кластерларының беренче елдагы эшләренә нәтиҗә ясалды

2013 елның 7 марты, пәнҗешәмбе
Татарстан Республикасының фән-мәгариф кластерларының беренче елдагы эшләренә бүген ТР МК Президиумы утырышында нәтиҗә ясадылар, утырышны ТР Хөкүмәт Йортында Татарстан Премьер-министры Илдар Халиков алып барды.

Мәгариф учреждениеләренең предприятиеләр белән бергәләп квалификацияле кадрлар әзерләве республика өчен иң актуаль тема булып тора,дип белдерде Илдар Халиков. Татарстанда 14 фәнни-мәгариф кластер булдырылган.

Фәнни-мәгариф кластерларының эш нәтиҗәләре турында ТР фән һәм мәгариф министры Энгель Фаттахов чыгыш ясады. Министр сүзләренчә, КНИТУ-КХТИ һәм РГТЭУ ның Казан филиалы базасындагы кластерлар иң нәтиҗәле эшләүчеләр. Беренчесендә һөнәри белем бирү буенча федераль программа чаралары гамәлгә ашырыла, икенчесендә мәгариф учреждениеләре эш бирүчеләрне хезмәттәшлеккә җәлеп итәләр.

Фәнни-мәгариф кластерларының эше турында аерым тармаклардагы профильле министрлык җитәкчеләре дә доклад ясады. Утырыш барышында төрле тәкъдимнәр яңгырады, һәм Премьер-министр аларны хуплады. Предприятиеләрдәге яңалыкларны исәпкә алып, уку-укыту программаларын даими рәвештә яңартып тору мөһим, дип ассызыклады Илдар Халиков.

Утырыш тәмамланганда ТР Премьер-министры, алга таба да ТР фәнни-мәгариф кластерларының эшләре нәтиҗәле булыр, дигән ышанычын белдерде.



ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International