Әсгать Сәфәров җирләрнең кадастр бәясе мәсьәләләре буенча киңәшмә уздырды

Бүген Татарстан Республикасы Премьер-министр урынбасары Әсгать Сәфәров, җир кишәрлекләре хуҗаларының кадастр бәяләрен базар бәясе күләменә кадәр төшерү буенча судка мөрәҗәгаь итүләрнең артуына бәйле, бу процессларны тәртипкә салу мәсьәләләре буенча киңәшмә уздырды.

Киңәшмә Татарстан Республикасы Хөкүмәт Йортында узды.

Видеоконференция режимында узган киңәшмәдә муниципаль берәмлекләрнең башкарма комитет җитәкчеләре, республика министрлыклары һәм ведомстволары белгечләре катнашты.

ТР Премьер-министры урынбасары Әсгать Сәфәров кайбер муниципаль хезмәткәрләрнең суд утырышларында сүлпән эшләүләренә күрсәтте һәм республика муниципаль берәмлек башкарма комитет җитәкчеләренә һәрбер ачыкланган закон бозу очракларын тикшерергә, гаеплеләрне эштән җибәрүгә кадәр булган катгый җавплылыкка тартырга кушты.