Борис Павлов ислам дөньясы Фәннәр академиясенең Халыкара конференциясе кысаларында уздырылган “Нанотехнологияләр” пленар утырышында катнашты

Бүген Татарстан Республикасы Премьер-министрының беренче урынбасары Борис Павлов “Нанотехнологияләр” пленар утырышында катнашты. Ул ислам дөньясы Фәннәр академиясе һәм “Ислам дөньясының тотрыклы үсеше өчен фән, технологияләр, инновацияләр” дигән темага Татарстан Республикасы Фәннәр академиясенең Халыкара конференциясе кысаларында уздырылды.
Утырыш эшендә Россия Фәннәр академиясе әгъза-корреспонденты һәм Татарстан Республикасы Фәннәр академиясенең почетлы әгъзасы, ИАН әгъзасы Хадҗиев С.Н. (“Нефть эшкәртү һәм нефть химиясенең тотрыклы үсеше өчен нанотехнологияләр”), Россия Фәннәр академиясе һәм Татарстан Республикасы Фәннәр академиясе академигы Вәлиев К.А. (“Квант информатикасы – яңа перспективалар”), Татарстан Республикасы Фәннәр академиясе академигы, Россия Фәннәр академиясе әгъза-корреспонденты Салихов К.М (“Хәзерге технологияләрдә электрон спиннарның потенциаль мөмкинлекләре”) һәм Ислам Фәннәр академиясенең башка әгъзалары, шулай ук Россия академиклары, сәясәтчеләре, галимнәре, башка илләрнең фәннәр академияләре вәкилләре үзләренең докладларын тәкъдир иттеләр. Борис Павловның “Татарстан Республикасында наноиндустриянең үсеше” дигән темага чыгышы фәнни ислам дөньясының чит илләрдән килгән вәкилләре ягыннан ихлас кызыксыну уятты. Конференциядә катнашу өчен, Казанга барлыгы 600 гә якын галим килде, шулар арасында дөньяның 33 иленнән килгән 180 зур галим бар иде. Татарстанның беренче вице-премьеры үзенең докладын тәкъдир иткәндә анда катнашучыларның игътибарын Татарстан Республикасының Россия үзәгендә урнашкан төбәк булуына юнәлдерде. Анда наноиндустрия өлкәсендә проектларны югары нәтиҗәле итеп гамәлгә ашыру мөмкинлеген бирә торган югары интеллектуаль, фәнни-сәнәгый һәм җитештерү потенциалы тупланган. Татарстан Республикасы югары уку йортлары, фәнни-тикшеренү институтлары һәм предприятиеләре нанотехнологияләрне һәм яңа наноматериалларны сәнәгый җитештерүгә кертеп җибәрү өчен эшкә тотындылар. Алга таба Татарстан Республикасы сәнәгате үсеше инновация технологияләрен булдыру һәм җәмгыять тормышының җитештерү һәм социаль өлкәләренә кертү нигезендә тормышка ашырылачак. Шулай итеп, нанотехнологияләрне эшкәртү һәм аларның сәнәгатьтә кулланылуы, финанс акчаларының нәтиҗәле кулланылышы белән бәйле эшләргә финанслауны җәлеп итү максатларында, шулай ук нанотехнологияләр өлкәсендәге эшләр белән шөгыльләнә торган фәнни һәм лаборатор-тикшеренү үзәкләрен, нанотехнология һәм наноматериалларның яңа төзелгән фәнни-тикшеренү институтларын бергә туплап ныгыту (консолидацияләү) һәм бердәм наноинформация пространствосы төзү өчен, “Татарстан Республикасында наноиндустрия үсеше” комлекслы проекты эшләнгән иде. Комплекслы проектны тормышка ашыру Татарстан Республикасы икътисадының алдагы үсешен тәэмин итәр, наноиндустрия үсешендә Президент һәм Россия Федерациясе Хөкүмәте куйган төп мәсьәләләрне чишәргә ярдәм итәр. Комлекслы проектны гамәлгә ашыру Татарстан Республикасы үсеше өчен генә түгел, бәлки тулаем Россия Федерациясе өчен дә зур әһәмияткә ия.
Татарстанның беренче вице-премьерына бирелгән күпсанлы сораулар арасында күбесе республиканың наноиндустрия үсеше өлкәсендә чит ил партнерлары белән якын аралардагы хезмәттәшлеге, әлеге проектны гамәлгә ашыруга финанс акчасы салу мәсьәләләре һәм, әлбәттә, сәнәгать технологияләрен беренче булып эшкәртү кайчан һәм кайсы сәнәгать өлкәләренә кертелү турында булды. Ахырда Борис Павлов Ислам дөньясының фәнни һәм бизнес-түгәрәкләрендә катнашучыларны алга таба озак вакытлы һәм уңышлы хезмәттәшлеккә чакырды. Ә моның, үз чиратында, Татарстан Республикасы сәнәгатенә фәнни эшләнмәләрне кертеп җибәрергә булышуы һәм шуның белән бергә илебез производствосының нәтиҗәлелеге үсешен күтәрүе һәм Татарстан продукциясенең конкурентлыкка каршы торуын тәэмин итүе турында әйтелде. Халыкара конференциядә катнашучыларның сораулары буенча, Татарстан Республикасы Премьер-министрының беренче урынбасары Борис Павлов докладының презентациясен Сез www.prav.tatar.ru адресы буенча Татарстан Республикасы Хөкүмәте порталында “Пресс-релизлар” бүлегендә таба аласыз.