Хәрби пенсионерлар һәм шуңа тиңдәш кешеләр, пенсия яшенә җиткәннән соң, тиешле еллар эшләгән өчен пенсия һәм картлык буенча хезмәт пенсиясенең страховка өлешен алачаклар

Бүген Татарстан Республикасы Министрлар Кабинетында узган брифингта Татарстан Республикасы буенча Россиянең Пенсия Фонды бүлеге идарәчесе Марсель Имамов көч куллана торган ведомство пенсионерларына пенсия түләү яңалыклары турында сөйләде.
Үзгәрешләр 2008 елның 25 нче июлендә “Пенсия белән белән тәэмин ителеш буенча Россия Федерациясе законнар җыелмасының аерым актларына үзгәрешләр кертү турында”гы (22.07.2008) 156-ФЗ номерлы Федераль Законның көченә керүе белән бәйләнгән.
Әлеге закон көч куллана торган ведомство пенсионерларына һәм башка дәүләт хезмәткәрләренә бер үк вакытта тиешле еллар эшләгән өчен (инвалидлык буенча пенсия) пенсия һәм картлык буенча хезмәт пенсиясенең страховка өлешен алуга хокук бирәчәк.
Тиешле еллар эшләгән өчен пенсия - көч куллана торган ведомстволар өлкәсе буенча, картлык буенча хезмәт пенсиясенең страховка өлеше Россия Федерациясе Пенсия Фонды юнәлеше буенча билгеләнә.
Хезмәт пенсиясе өлешен алу хокукына “хәрби пенсионерлар”ның пенсия яшенә җиткән гражданнары – ир-атларга 60 яшь, хатын-кызларга 55 яшь – һәм 5 елдан да ким булмаган страховка стажы булган гражданнар ия булачак.
Страховка стажына “хәрби” закон буенча пенсия күләме карауда һәм билгеләүдә исәпкә алынмаган эш һәм башка эшчәнлек вакыты да кертелә.
Марсель Имамов “көч куллана торган” структура исәбенә караучы пенсия яшендәге хәрби хезмәткәрләргә Россия Федерациясе Кораллы көчләрендә хәрби хезмәт үткән һәм тиешле еллар эшләгән өчен (яки инвалидлык буенча) пенсия алучы кешеләр, эчке эшләр органнарында, Янгынга каршы дәүләт хезмәтендә, наркотик чаралар һәм психик авырулар китереп чыгара торган әйберләр кулланылышын тикшерү органнарында, хокук-башкарма системасы учреждениеләре һәм органнарында, прокуратура һәм таможня органнарында эшләүче кешеләр керүен искәртеп үтте. Пенсияне исәпләп язу өчен, яшәү урыны буенча (хәрби комиссариаттан белешмә алырга кирәк) Татарстан буенча Россия Федерациясе Пенсия фондының җирле бүлекләренә мөрәҗәгать итәргә кирәк.
Татарстан буенча Россия Федерациясе Пенсия фонды бүлеге идарәчесе, “хәрби пенсионерлар”ны кызыксындырган сорауларга җавап алу өчен, “кайнар линия”нең телефон номерын әйтте: (843) 279-27-27.
Социаль тәэмин ителеш буенча Татарстан Республикасы хәрби комиссары ярдәмчесе Игорь Скороход журналистларга хәбәр иткәнчә, республикада яшәүче 10 меңнән артык хәрби пенсионер арасында 3505 кеше билгеләнгән пенсия яшенә җиткән, шулар арасында 3205 кеше - тиешле еллар эшләгән өчен, калганнары – инвалидлык буенча. Пенсия яшенә җиткән төп хәрби халык массасы (2638 кеше) – Казанда, калганнары Яр Чаллыда, Яшел Үзәндә, Түбән Камада һәм Татарстанның башка шәһәрләрендә яши.
Сорауларга җавап биреп, Марсель Имамов “хәрби пенсионер” пенсиясенең страховка өлеше күләменә хәрби пенсия исәпләмәсендә хисапка алынмаган хезмәт стажы, гражданлык вазыйфаларындагы хезмәт хакы һәм страховка түләве кушылачагын хәбәр итте. Пенсиянең страховка өлеше күләме, һәрбер страховкаланган кешенеке кебек үк, 2002 елның 1 нче гыйнварына кадәр булган эш вакытындагы стажга һәм хезмәт хакына, ә аннары шәхси счетта исәпкә алынган страховка взнослары суммасына бәйле.