Алексей Песошин «Компрессорный» транспорт-күчеп утыру үзәген ачу тантанасында: Шәһәр яны тимер юл пассажирларын йөртүләр – республика өчен әһәмиятле
Бүген Казанда Горький тимер юлының «Компрессорный» яңа транспорт-күчеп утыру үзәге ачылды. Чарада Татарстан Республикасы Премьер-министры Алексей Песошин, «Россия тимер юллары» ААҖ филиалы – Горький тимер юлы башлыгы Сергей Дорофеевский катнашты.
«Компрессорный» транспорт-күчеп утыру төене – ул бина, шулай ук турникет-касса павильоны, ике платформа, тимер юллар, тышкы челтәрләр һәм периметр буена койма.
Шул рәвешле шәһәрдә «Компрессорный» тимер юл платформасы, якын-тирә территорияләрдә килү юлларын төзекләндерү, автотранспорт тукталышы белән бергә, керү төркемнәренең турникет системасы булган заманча пассажирлар комплексы барлыкка килде.
Алексей Песошин һәм башка кунаклар «Компрессорный» транспорт-күчеп утыру үзәге тирәсендәге яңа бинаны карадылар, турникет-касса павильоны эше белән таныштылар.
Ачылу тантанасында Алексей Песошин билгеләп үткәнчә, Татарстан Республикасы һәм «Россия тимер юллары» ААҖ хезмәттәшлеге һәрвакытта да үзара аңлашу рухында уза.
Соңгы елларда республикада «Россия тимер юллары» ААҖ ярдәме белән кунакларга, Казан һәм Татарстан Республикасында яшәүчеләргә сыйфатлы хезмәт күрсәтү өчен шартлар тудыруга ярдәм иткән проектлар гамәлгә ашырылды, – диде Алексей Песошин. – Болар: «Казан» халыкара аэропортыннан Казан-1 вокзал комплексын реконструкцияләгән шәһәр үзәгенә кадәр интермодаль пассажирлар элемтәсен оештыру, Казан-2 транспорт-күчеп утыру үзәген файдалануга тапшыру, Казан эчендәге һәм якындагы Юдино бистәсендә һәм Васильево бистәсендә вокзаллар биналарын төзү белән пассажирлар платформаларын реконструкцияләү».
Татарстан Премьер-министры ассызыклаганча, шәһәр яны тимер юлларда пассажирлар йөртүләр – республика өчен әһәмиятле. «Татарстан Республикасы территориясендә маршрут челтәре 114 маршруттан тора. Ел саен республикада 6 млн. пассажир йөртелә. Моннан тыш, транспорт-күчеп утыру үзәгендәге автобуслар өчен тукталыш пунктын оештыру төньяк-көнчыгыш юнәлештә муниципальара легаль йөртүчеләрнең маршрут челтәрен арттырачак, субъектара маршрутларны җәлеп итәчәк», - диде ул.
Алексей Песошин барысына да хезмәтләре һәм республика үсешенә зур өлеш керткәннәре өчен рәхмәт белдерде.
Шулай ук тимер юл транспорты хезмәткәрләренә дәүләт һәм ведомство бүләкләре тапшырылды.