Татарстанда 1 млн. 272,7 мең кв. м. торак гамәлгә кертелде, бу еллык заданиенең 53,1%ын тәшкил итә

2013 елның 26 июленә Татарстан Республикасында 1 млн. 272,7 мең кв. м. торак гамәлгә кертелде, бу еллык заданиенең 53,1%ын тәшкил итә, ягъни үткән елга карата 107,8%.
Бу турыда бүген Татарстан Республикасы төзелеш, архитектура һәм ТКХ министры Ирек Фәйзуллин торак төзелеше мәсьәләләре, шул исәптән социаль ипотека буенча да, республика киңәшмәсендә хәбәр итте.
Киңәшмәне Хөкүмәт Йортында Татарстан Республикасы Президенты Рөстәм Миңнеханов уздырды, чара гадәттәгечә видеоконференцэлемтә режимында республиканың барлык муниципаль районнары белән уздырылды.
Росстат йомгаклары буенча 2013 елның беренче яртыеллыгында Татарстан Республикасы, 1 млн. 199,8 мең кв. метр торакны гамәлгә кертеп, Россия Федерациясе субъектлары арасында 3 нче урынны алды.
Социаль ипотека программасына килгәндә исә, 26 июльгә карата күосәткечләр буенча 133 йортның 3 мең 608 фатирлы 204,8 мең кв. метр мәйданы белән 63е гамәлгә кертелгән, бу планның 53,4%ын тәшкил итә.
Социаль ипотека программасының 70 объектыннан әзерлек түбәндәгечә: югары әзерлек хәлендә 36 объект; уртача әзерлек хәлендә 34 объект. Программаның 3 объектында эшләр башкару графигы 5%тан артыгракка артка кала.

Бөек Ватан сугышы ветераннары торак шартларын яхшырту программасы буенча соңгы ике атнада республикада гомуми 3322 кв. м булган 4 торак йорт файдалануга тапшырылды, аннан23 ветеран фатир алачак. 384 ветера өчен103 йорт төзелеп килә.
Киңәшмә барышында Рөстәм Миңнеханов районнарда спорт мәйданчыкларын кору эшен тизләтергә кушты, ул шулай ук спорт мәйданчыкларына акча бүлеп бирелүен искә төшерде.
Рөстәм Миңнехановка шулай ук 2011-2014 елларга Хокук бозуларны профилактикалау буенча комплекслы программа буенча полициянең вәкаләтле участок хезмәткәрләре өчен хезмәт торагы төзелү турында да җиткерделәр. Барлыгы республика буенча 82 мондый торак йорт төзү планлаштырыла. участковых уполномоченных полиции в 39 муниципальных образованиях. ДТФ тарафыннан бирелгән акчалар исәбеннән 21 муниципаль берәмлектә 21 йорт төзеләчәк; республика бюджеты акчалары исәбеннән, – 18 муниципаль берәмлектә 20 йорт; муниципаль берәмлекләрнең үз акчаларыннан – 37 муниципаль берәмлектә 43 йорт.
Татарстан Президенты муниципаль районнарда төзелгән социаль-мәдәни объектларны эксплуатацияләүгә җитдирәк карауны сорады. Ул хәбәр иткәнчә, социаль челтәр аша да, башкача да аңа районнардагы авыл клубларының файдаланылмавы яисә тулысынча файдаланылмавы, түгәрәкләр булмавы хакында хәбәрләр керә икән. Кайбер тикшерүләр күрсәткәнчә, фактлар расланган. Районнар башлыкларына клублар яисә башка социаль объектлар кирәкмәсә, аларны бүтән муниципаль берәмлекләрдә төзергә кирәк, диде Рөстәм Миңнеханов.