“Татарстан Республикасы Электрон Хөкүмәте” проекты идеологларының берсе Александр Юртаев вафат булды

Кичә, 2013 елның 5 августында, 62 нче яшендә “Татарстан Республикасының Электрон Хөкүмәте” проекты идеологларының берсе, TatCenter.ru эшлекле порталын булдыручыларның берсе, икътисад фәннәре докторы Александр Николаевич Юртаев вафат булды.

12 елдан артык, 1998-2011елларда, Александр Юртаев ТР Министрлар Кабинеты Аппаратының мәгълүмат-аналитика идарәсе башлыгы булып эшләде, соңыннан – Татарстан Республикасы Президенты Аппаратында, ул дәүләт идарәсен мәгълүматлаштыруга, шул исәптән, “Татарстан Республикасы Электрон Хөкүмәте” проектын гамәлгә кертүдә зур өлеш кертте.

Александр Юртаевның вафат булуы сәбәпле, Татарстан Республикасы һәм Россия Федерациясе хакимияте вәкилләре, шул исәптән РФ элемтә һәм массакүләм коммуникацияләр министры Николай Никифоров, гаиләсеннең һәм туганнарының кайгысын уртаклаша. “Бүген Александр Юртаев вафат булды. Ул минем укытучым иде. Аның туганнарының һәм якыннарының кайгысын уртаклашам. Юртаев зур ихтыяр көченә ия искиткеч кеше иде, ләкин авыру көчлерәк булып чыкты... “,- дип яза Николай Никифоров үзенең Twitter дагы микроблогында.

Татарстан Республикасы Президенты Аппараты Александр Юртаевның гаиләсе һәм туганнарының зур кайгысын уртаклаша.


Белешмә өчен:

Александр Николаевич Юртаев 1951 елның 15 декабрендә Псков өлкәсенең Остров шәһәрендә туа. Казан дәүләт университетын тәмамлый, белгечлеге”тарихчы”. Философия фәннәре кандидаты, икътисад фәннәре докторы. Университетны тәмамлаганнан соң, 1974 елдан “Татнефть” берләшмәсендә эшли.
1998-2011 елларда – ТР Министрлар Кабинеты Аппаратының мәгълүмат-аналитика идарәсе башлыгы.
2011 елның гыйнварыннан – Татарстан Республикасы Президенты Аппаратының мәгълүмат-аналитика идарәсе башлыгы.
2012 елның маеннан – “Сетевая компания” ААҖ нең генераль директоры урынбасары.
2012 елның октябреннән – “Сетеавая компания” ААҖ директорлар советының аудит буенча комитет рәисе.