Илдар Халиков нотариусларны Татарстан Республикасы Нотариаль палатасының 20 еллыгы белән котлады

2013 елның 13 сентябре, җомга
Бүген Татарстан Республикасы Премьер-министры Илдар Халиков нотариусларны Татарстан Республикасы Нотариаль палатасының 20 еллыгы белән котлады.

Искә төшерәбез, егерме ел элек, 1993 елның февралендә Россия Федерациясенең нотариат турында закон нигезләре кабул ителгән, дәүләт нотариусларының шәхси практикага күчү һәм яңа коммерцияле булмаган оешма – Нотариаль палата булдыру мөмкинлеге барлыкка килә.

Татарстан нотариуслары белән бергә бүген ТР нотариатының 20 еллыгын – Россия Федерациясе субъектлары һәм якын чит илләрдән, Мәскәү һәм Мәскәү өлкәсеннән, Ставрополь крае һәм Самара өлкәсеннән, Кемерово өлкәсе һәм Удмурт Республикасыннан, Волгоград өлкәсе һәм Башкортстан Республикасыннан, Мордовия Республикасы һәм Санкт-Петербургтан, Ульяновск, Түбән Новгород өлкәләре һәм Украинадан килгән коллегалар да билгеләп үттеләр.

Тантанада катнашучыларга сәламләү сүзләре белән Татарстан Республикасы Нотариаль палатасы президенты, Татарстан Республикасының атказанган юристы Ольга Гришина мөрәҗәгать итте.

Илдар Халиков Татарстан Республикасы Президенты Рөстәм Миңнеханов исеменнән котлау һәм уңышлар теләгән сүзләрне җиткерде.
ТР Нотариаль палатасының 20 еллык эше, сезнең хезмәткә хөрмәт уятып, тагын күп еллар дәвам итсен, диде ул.

Татарстан Премьер-министры алдынгы хезмәткәрләргә Татарстан Республикасының дәүләт бүләкләрен тапшырды.

Аннан соң концерт булды, анда вокаль һәм фольклор-хореография композицияләре белән Татарстан артистлары чыгыш ясады.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International