Алексей Песошин татарстанлыларны меценат һәм хәйрияче көне белән котлады
Татарстан Республикасы Премьер-министры Алексей Песошинның меценат һәм хәйрияче көне белән котлавы.
"Кадерле татарстанлылар! Бүген Россиядә меценат һәм хәйрияче көне билгеләп үтелә. Бу - мохтаҗларга ярдәм күрсәтүче ваемсыз булмаган кешеләр көне.
Безнең илдә хәйриячелек гражданлык җәмгыятен формалаштыруның көчле ресурсына әверелде, социаль сәясәт өчен өстәмә резервлар бирде һәм социаль әһәмиятле проблемаларны хәл итүдә җәмгыятьнең барлык секторлары һәм катламнары үзара эш итү механизмнарын эшләргә ярдәм итте.
Безнең кешеләрнең игелеге, юмартлыгы һәм киң күңеллелеге тарихның авыр мизгелләрендә һәрвакыт таяныч булып хезмәт итте, ә тыныч вакытта алар ил файдасына эшләүдә һәм фән, мәгариф һәм сәнгать үсешендә ярдәм итәләр.
Хәзерге вакытта бу миссияне төрле һөнәр ияләре, төрле яшьтәге һәм төрле карашлы кешеләр башкара, алар бөтен җанын түләүсез ярдәм күрсәтүгә багышлап, риясыз иҗтимагый эшчәнлек белән шөгыльләнәләр.
Шәфкатьле, кызганучан, үз вакытларын корбан итә, өмет һәм ярдәм бирә алган кешеләр генә сизгер йөрәкле һәм юмарт күңелле була ала. Безнең өчен аеруча мөһим нәрсә - бүген хәйрияче булу зур финанс ресурсларына ия булу дигән сүз түгел. Мөмкин булганча игелекле эшләр башкару - төп мәгънә.
Кадерле дуслар! Яхшылык эшләргә ашыгыгыз, чөнки ул безнең һәрберебездән башлана.
Барлык меценатларга, хәйриячеләргә һәм волонтерларга игелекләре, башкаларның авыртуына битараф булмаганнары һәм авыр тормыш хәлендә калганнарга ярдәм итәргә әзерлекләре өчен рәхмәт.
Чын күңелдән нык сәламәтлек, зур бәхет, гаилә иминлеге, эшләрдә уңышлар телим".