Казанда GE Money Bank клиентларга операцион техник ярдәм күрсәтү үзәге ачылды

Бүген Татарстан Республикасы башкаласы Казанда GE Money Bank клиентларга операцион техник ярдәм күрсәтү үзәге (“ДжиИ Мани Банк”) ачылды.
Үзәкне ачу тантанасында Татарстан Республикасының беренче вице-премьеры Равил Моратов катнашты.
“ДжиИ Мани Банк” операцион техник ярдәм күрсәтү үзәгенең офисы “Идея” инновацион-җитештерү технопаркы мәйданнарында урнашты. Ел ахырына кадәр үзәктә 160 кеше эшләячәк.
Үзәкне ачу вакытында “ДжиИ Мани Банк” ЯАҖ президенты Ричард Гаскин хәбәр иткәнчә, Казандагы офисны төзүгә 10 млн. доллар чамасы инвестицияләнгән. Гомумән, якындагы елларда инвестицияләр 40 млн. доллар чамасы тәшкил итәчәк.
“Банкыбыз эшчәнлеге безгә киңәергә мөмкинлек бирә, һәм бүгенге ачылыш та моны тагын бер кат раслый”, - диде Гаскин әфәнде.
Ул шулай ук, операцион техник ярдәм күрсәтү үзәген ачу өчен, Россиядәге ун төбәктәге шартларның каралуын, нәтиҗәдә Татарстан Республикасы сайлап алынуын әйтте.
Ричард Гаскин Татарстан Республикасы Хөкүмәтенә бу проектка булышлык итүе өчен рәхмәт белдерде.
Татарстан Республикасының беренче вице-премьеры Равил Моратов: “Бу инновацион проект төбәкнең инвестицион җәлеп итүчәнлеген арттырачак”, - диде. Моннан тыш, Равил Моратов уйлаганча, “ДжиИ Мани Банк” һәм General Electric компаниясе (банк аның бүлекчәсе булып тора) тарафыннан кулланыла торган инновацион технологияләр Татарстан икътисадының реаль секторы предприятиеләренә финанс ресурсларына һәм инструментларына керү мөмкинлеге бирәчәк.

Белешмә өчен:

“ДжиИ Мани Банк” (GE Money Bank) ЯАҖ кулланучыларга кредит бирүнең Россия базарына 2004 елда “ДельтаБанк” ЯАҖ сатып алу юлы белән чыкты. Бүгенге көндә банк GE Money финанс хезмәтләренең халыкара базарындагы алдынгы бер операторның Россия бүлекчәсе булып тора.
Төп продуктлар – Visa револьвер кредит карталары, кулга бирелә торган кредитлар, кулланучылар кредитлары.
2007 елның июнендә ипотека буенча кредит бирү программасы башланып китте.