Татарстан Республикасында 20 июльгә торакны файдалануга тапшыру планы 80%ка үтәлгән - 2 млн 518 мең кв. м.
Татарстанда Дәүләт төзелеш күзәтчелеге инспекциясе 2024 ел башыннан административ җаваплылык турында 65 карар чыгарган. Гомумән алганда, быел ведомство белгечләре төзелеш мәйданчыкларында 749 тапкыр булганнар. Моннан тыш, Баш инвестицион-төзелеш идарәсе гыйнвардан бирле 159 контроль-күзәтчелек чарасы уздырган. Ел башыннан үзлегеннән җайга салынучы оешмалар вәкилләре 1 625 тикшерү уздырган, нәтиҗәдә 562 хокук бозу очрагы ачыкланган. Бүген ТР Хөкүмәте Йортында узган киңәшмәдә төзелеш мәйданчыкларындагы тикшерүләр турында ТР төзелеш, архитектура һәм торак-коммуналь хуҗалык министры Марат Айзатуллин хәбәр итте. Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.
Татарстан Республикасы Төзелеш министрлыгы башлыгы хәбәр иткәнчә, 20 июльгә торакны файдалануга тапшыру планы 80%ка үтәлгән, 2 млн 518 мең кв. м. файдалануга тапшырылган. Шул ук вакытта коммерциячел төзелеш линиясе буенча планлаштырылган күләмнең 39% ы тапшырылган: бу гомуми мәйданы 569 мең кв. м булган 95 күп фатирлы йорт. Социаль ипотека программасы буенча еллык план 73%ка үтәлгән. Быел төзелергә тиешле 56 йортның 28е файдалануга тапшырылган. Аларның гомуми мәйданы - 118 мең кв. м. Шәхси торак төзелешендә бүгенгә еллык план 121%ка үтәлгән. 1 млн 831 мең кв. метр мәйданлы 13 мең 561 йорт файдалануга тапшырылган. Гражданнарның аерым категорияләрен торак белән тәэмин итү буенча эш дәвам итә. Әйтик, ятим балаларны торак белән тәэмин итү өчен - инде төзелгән дәүләт контрактыннан тыш - ТР Сатып алулар буенча дәүләт комитеты 81 торак урыны сатып алу буенча контракт төзү хокукына аукцион игълан иткән. Быелгы программага кертелгән 84 яшь гаиләнең 59ы субсидияләрдән файдаланган, калганнары торак базарында фатир сайлауны дәвам итә. «5 һәм аннан да күбрәк баласы булган күп балалы гаиләләр» категориясендә бүгенгә 28 сертификатның гомуми мәйданы 458 кв.м. булган 6сы сатылган. Сертификат алган башка гаиләләр буенча хәзерге вакытта ТР Дәүләт торак фонды торак урыннарын сайлау буенча эш алып бара. Аннары министр торак төзелешендә кайбер федераль программаларның үтәлеше турында хәбәр итте. "Торак" федераль программасының үтәлеше 28% тәшкил итә, "Авыл территорияләрен комплекслы үстерү" дәүләт программасының үтәлеше - 45%. Мәгариф өлкәсендә 11 мәктәп һәм янкорманың әзерлеге бүгенгә 83% тәшкил итә. 10 балалар бакчасы төзелеше буенча эшләр 62%ка ябылган. Сәламәтлек саклау тармагында фельдшер-акушерлык пунктларын төзү эшләре - 72%ка, башка медицина учреждениеләрен төзү эшләре 51%ка үтәлгән. Спорт тармагында 4 футбол манежы төзелеше буенча эшләр 28%, универсаль спорт мәйданчыклары – 32% тәшкил итә. Узган ике атнада Саба районында ике объектта эшләр төгәлләнгән. Кукмара шәһәрендә чаңгы-роллер трассасы һәм Апас шәһәр тибындагы футбол кырының административ бинасы төзелеше. 36%ка бәяләнә (объектлар «Авыл территорияләрен комплекслы үстерү» дәүләт программасына керә). Яшьләр сәясәте линиясе буенча балалар лагерьларын төзү буенча республика программасы 35%ка үтәлгән. Балык Бистәсе бистәсендә яшьләр үзәгенең әзерлеге 30% тәшкил итә (объект «Авыл территорияләренең хәзерге йөзе» федераль программасы буенча төзелә). «Мәдәният» тармагы объектлары буенча үтәлеш 48% тәшкил итә. «Экология» тармагында биологик чистарту корылмаларын реконструкцияләү буенча 84%ка эшләр башкарылган; ләм кырларын рекультивацияләү буенча - 68%ка; Саба районының Шәмәрдән авылында нефтьле пычраклар белән бозылган җирләрне рекультивацияләү буенча 82%ка эшләр башкарылган. Бүген Татарстанда бер республика һәм ике федераль программа кысаларында 64 җәмәгать киңлеге төзекләндерелә. Алар буенча эшләрнең гомуми үтәлеше 36% тәшкил итә. Республиканың инженерлык инфраструктурасын модернизацияләү дәвам итә. Халыкны эчәр сулар белән тәэмин итү буенча республика программалары өлешендә эшләр 28 районда 43 объектта алып барыла. Программа буенча үтәлеш 45%ка җиткән. Узган ике атнада республиканың 10 муниципалитетында 14 объектта эшләр тәмамланган. Су агызу системалары челтәрләрен һәм корылмаларын төзү, реконструкцияләү программасы буенча гомуми күләмнең 24%ы үтәлгән. Подрядчылар барлык 11 объектта да эш алып бара. Урамнарны яктыртуны торгызу программасы буенча гомуми үтәлеш 22% тәшкил итә. Узган ике атнада Азнакай, Актаныш, Яңа Чишмә, Питрәч, Сарман һәм Теләче районнарында 34 объект буенча эшләр төгәлләнгән. Республика программаларыннан тыш, инженерлык инфраструктурасын модернизацияләү өлешендә ике федераль программа гамәлгә ашырыла. 7 объект «Авыл территорияләренең бүгенге йөзе» программасына керә, ул бүгенге көнгә 65%ка үтәлгән. Бу атнада Мамадыш шәһәрендәге объект буенча эшләр төгәлләнгән. Һәм 48 объект коммуналь инфраструктураны модернизацияләү федераль программасына кертелгән. Хәзерге вакытта подрядчылар 31 объектта эшли. Гомумән алганда, үтәлеш 66% тәшкил итә. Узган ике атнада Казанның 3 объектында эшләр төгәлләнгән. Татарстан Республикасы Төзелеш министрлыгы башлыгы алдагы җылылык бирү сезонына әзерлек барышы турында кыскача мәгълүмат бирде. Республика буенча объектларның җылылык бирү сезонына әзерлеге 62% тәшкил итә. Ул иң түбән әзерлек динамикасы булган районнарны аерым атады: Минзәлә, Түбән Кама, Әгерҗе, Лениногорск, Чистай муниципаль районнары. ТР Премьер-министры Алексей Песошин җылылык бирү сезонына әзерлек темпларын көчәйтергә, муниципаль районнар башлыкларына бу мәсьәләне контрольгә алырга кушты. «Кыш ерак түгел, - диде ул. - Әзерлек паспортлары мәсьәләсе, шулай ук объектларның үзләренең әзерлеге контрольдә булырга тиеш".