Татарстанда 1 млн 308 мең га, ягъни пландагы мәйданнарның 99%ы суктырылган, 3 млн 645 мең тонна ашлык суктырылган

Татарстанда 1 млн 308 мең га, ягъни пландагы мәйданнарның 99%ы суктырылган, 3 млн 645 мең тонна ашлык суктырылган Татарстанда бөртекле һәм кузаклы культуралар җыю төгәлләнеп килә, 1 млн 308 мең га мәйданда суктырылган, ягъни пландагы мәйданнарның 99%ы.

Бу хакта бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров хәбәр итте.

Киңәшмәне Татарстан Премьер-министры Алексей Песошин уздырды. Киңәшмә гадәттәгечә барлык муниципаль районнар белән видеоконференцэлемтә режимында узды.

Республикада 3 млн. 645 мең тонна ашлык суктырылган. Уртача уңыш - гектардан 27,9 центнер. Бүген 26 район бөртеклеләрне тулысынча җыеп бетергән. Рапс җыю дәвам итә, аның мәйданы 165 мең га. бүгенгә 98 мең га, ягъни 60%ы суктырылган, уңыш - 20,6 ц/га. Моннан тыш, 11 районның 9ында шикәр чөгендере казыла. Бүгенгә 13,5 мең га чыгарылган, бу барлык мәйданның 24%ын тәшкил итә. Уңыш - гектардан 432 центнер. Республикада ике шикәр заводы да җитештерү куәтенә чыккан - тәүлеккә 12,5 мең тоннадан артык чимал эшкәртелә. Бүгенгә 246 мең тонна эшкәртелгән, 29 мең тонна яңа шикәр җитештерелгән. Шикәрлелек уртача 16,5% чамасы.

Бүгенгә көзге культуралар 445 мең га мәйданда чәчелгән, бу пландагы мәйданнарның 90%ын тәшкил итә. 20 сентябрьгә туфракны төп эшкәртү 813 мең га мәйданда башкарылган, бу планнан 49%ын тәшкил итә (план - 1,66 млн. га).

Терлек азыгы әзерләүгә килгәндә, бүгенгә республика буенча шартлыча бер башка 25,4 центнер азык әзерләнгән, бу планнан 64% тәшкил итә. Авыл хуҗалыгы берәмлекләре җитәкчеләренә мөрәҗәгать итеп,

Татарстан Республикасы Авыл хуҗалыгы һәм азык-төлек министрлыгы башлыгы алардан терлек азыгы әзерләү буенча ике сменалы эш оештыруларын һәм терлек азыгы әзерләүне мөмкин кадәр кыска вакыт эчендә төгәлләүләрен сорады.