Роман Шәйхетдинов: Дәүләт венчур инвестицияләүдә актив позициядә торырга тиеш
Иннополиста кичә Россия венчур форумының рәсми «нуль» көне узды, анда венчур базарын үстерү һәм технологик эшкуарлыкка ярдәм мәсьәләләре турында фикер алыштылар. Чараларда 1000гә якын кеше катнашты, алар арасында – экспертлар, инвесторлар, стартаплар һәм венчур фондлары, эре корпорацияләр һәм үсеш институтлары вәкилләре.
«Венчур килешүләре агымын формалаштыруда төбәк кластерларының һәм икътисадый зоналарның роле» панель дискуссиясендә Татарстан Республикасы премьер-министры урынбасары Роман Шәйхетдинов, «Иннополис» МИЗ генераль директоры Ренат Хәлимов, «Синдикат» клубына нигез салучы, генераль директоры Мария Сутормина, Татарстан Республикасы Инвестиция-венчур фонды директоры Дамир Галиев, «Ростелеком» ГАҖ цифрлы бизнесны үстерү департаменты директоры Дмитрий Рейдман, Хайв венчур фонды генераль директоры Николай Евченко, «Восход»фонды идарәче директоры Сергей Амирян, М.В. Ломоносов исемендәге Мәскәү дәүләт университетының фәнни паркы генераль директоры Олег Мовсесян катнашты.
Дискуссияне Россия Инновацион төбәкләре ассоциациясе директоры Александр Смекалин алып барды. Дискуссиядә катнашучылар венчур инвестицияләре базарына йогынты ясаучы факторлар, инвестиция активлыгын стимуллаштыруда базарның төп уенчыларының роле һәм бу өлкәдә дәүләт ярдәменең иң нәтиҗәле чаралары турында фикер алыштылар. Аерым алганда, базар уенчылары Россия Икътисадый үсеш министрлыгы фаразлары белән килеште, илгә "венчур язы" килә һәм технологик үсеш күрсәткечләре акрынлап яхшыра.
Роман Шәйхетдинов игътибарны Россия венчур базарының җәлеп итүчәнлеген арттыру мөһимлегенә юнәлтте, ул әлегә чагыштырмача зур түгел һәм кулланучыларның төп өч төркеме: дәүләт компанияләре, шәхси компанияләр һәм венчур фондлары тирәсендә тупланган.
Аның фикеренчә, ярдәм чаралары нәкъ менә шушы өч сегментны үстерүгә юнәлдерелгән булырга тиеш. Россиядә инде башка танылган илләр дәрәҗәләренә формаль туры килә торган инновацион экосистема булса да, венчур инвестицияләренең керемен арттыру өчен профессиональ «тюнинг» үткәрергә кирәк. Бу турыдан-туры инвестицияләргә салым тотып калу һәм фондлар аша турыдан-туры финанслауны үз эченә алырга мөмкин. Дәүләт, венчур инвесторлары белән беррәттән чыгыш ясап һәм эшкуарлыкка бәйле куркынычларны үз өстенә алып, актив позициядә торырга тиеш.
Татарстан Премьер-министры урынбасары билгеләп үткәнчә, республикада технологик эшкуарларга ярдәм итүгә бәйле уңай тенденция күзәтелә. Биредә бизнес үсешенә ярдәм итә торган шартлар тудырыла: «Идея» технопаркы, «ИТ-парк» югары технологияләр өлкәсендәге технопарк һәм Иннополис кебек стартапларга ярдәм итү өчен бик күп мәйданчыклар бар, яшь командаларга базарга керү мөмкинлеге һәм үз технологияләрен һәм идеяләрен күрсәтү мөмкинлеге бирелә. Шулай итеп, Татарстан «балык»ны әзер хәл ителешләр рәвешендә генә түгел, ә «кармак» — мөстәкыйль уңышка ирешү өчен инструментлар һәм мөмкинлекләр тәкъдим итә.
Роман Шәйхетдинов шулай ук төбәктә стартапларга ярдәм итү һәм аларны үстерү өчен үткәрелә торган чараларның мөһимлегенә басым ясады. Әлеге чаралар багланышлар урнаштыру, тәҗрибә уртаклашу һәм инвестицияләр җәлеп итү өчен өстәмә мөмкинлекләр тудыра, бу ахыр чиктә венчур базарын үстерүгә һәм Татарстанның Россиядә инновацион эшкуарлык үзәге буларак позициясен ныгытуга ярдәм итә.
Дискуссия кысаларында спикерлар «венчур язын" якынайтырга мөмкинлек бирерлек 2025 елга үз өметләрен һәм планнарын әйттеләр. Мисал өчен, Ренат Хәлимов Иннополиста июнь аенда старт ала торган стартапларны акселерацияләү программасын игълан итте. Аның аша якынча 30 компанияне "алга сөрү" планлаштырыла. Быел Татарстан Республикасының Инвестиция-венчур фонды да кимендә 30 проектка ярдәм итәчәк, гомуми финанслау күләме 1,5 млрд сум, дип хәбәр итте Дамир Галиев.