Татарстан Республикасы Премьер-министрының беренче урынбасары РК. Нигъмәтуллинның Россия Федерациясе Хәрби-һава көчләре көне белән котлавы
Хөрмәтле хәрби авиаторлар, Россия Федерациясе Хәрби-Һава Көчләре ветераннары, авиация сәнәгате хезмәтчәннәре!
Ел саен 12 августта илебез Россия Федерациясе Хәрби-һава көчләре көнен билгеләп үтә.
Бу бәйрәм Ватанга күпьеллык героик хезмәт итү һәм хәрби бурычны фидакарь үтәү символы булып тора.
Бу көнне 1912 елда оештырылган хәрби авиация үзенең данлы үсеш юлын үтә һәм Россиянең бөек авиация державасы буларак аякка басуына нигез сала. Катлаулы халыкара вәзгыять, илебез очраша торган сынаулар сездән һөнәри осталыгыгызны өзлексез камилләштерүне, күп буын геройларының данлы традицияләрен саклауны һәм арттыруны, хәрби туганлыкны ныгытуны таләп итә.
Сугыш кыенлыкларының бөтен авырлыгын кичергән, антларына һәм хәрби бурычларына тугры калган ветеран-фронтовикларга тирән ихтирам белән мөрәҗәгать итәм. Сезнең уникаль тәҗрибәгез безнең көннәрдә дә – махсус хәрби операция үткәрү чорында, шулай ук яшьләрне Ватанга тугры хезмәт итү традицияләрендә тәрбияләү эшенә дә кирәк.
Россия Федерациясе хәрби авиациясен үстерүгә һәм камилләштерүгә зур өлеш керткән авиатөзелеш предприятиеләренең меңләгән коллективларына аерым рәхмәт.
Бу бәйрәм көнендә язмышлары Россия Федерациясе Хәрби-һава көчләре белән бәйле татарстанлыларны чын күңелдән котлыйм. Барыгызга да нык сәламәтлек, бәхет, иминлек, уңышлар һәм тыныч күк йөзе телим. Татарстан Республикасы Премьер-министрының беренче урынбасары Р.К. Нигъмәтуллин