Татарстан Республикасы Премьер-министры урынбасары Ләйлә Фазлыева татарстанлыларны Остаз көне белән котлады
Татарстан Республикасы Премьер-министры урынбасары Ләйлә Фазлыева татарстанлыларны Остаз көне белән котлады. Ул искәрткәнчә, Россия Федерациясе Президенты Владимир Владимирович Путин Указы белән гамәлгә куелган бәйрәм 2025 елдан илебезнең истәлекле даталары календаренда лаеклы урын алып тора, остазлык миссиясенең югары статусын һәм әһәмиятен ассызыклый.
Котлау тексты:
Хөрмәтле коллегалар, кадерле дуслар! Чын күңелдән сезне Остаз көне белән котлыйм! Россия Федерациясе Президенты Владимир Владимирович Путин Указы белән гамәлгә куелган бу бәйрәм 2025 елдан илебезнең истәлекле даталары календаренда лаеклы урын алып тора, остазлык миссиясенең югары статусын һәм әһәмиятен ассызыклый.
Хәзерге, бик тиз үзгәрә торган дөньяда остазлык институты аеруча зур әһәмияткә ия. Нәкъ менә сез, хөрмәтле остазлар, яшь белгечләргә үз эшләрен табарга, сәләтләрен ачарга һәм үз потенциалын тулысынча тормышка ашырырга ярдәм итә торган ышанычлы нигез һәм ориентирга әвереләсез. Сез белем һәм күнекмәләрне тапшырып кына калмыйсыз - сез характерларны формалаштырасыз, ныклы кыйммәтләр ориентирларын саласыз һәм үсеп килүче Россия гражданнары буынының дөньяга карашына йогынты ясыйсыз.
Татарстан Республикасында остазлык һәрвакыт һөнәри белемнәрне тапшыру гына түгел, буыннар дәвамчанлыгын саклап калу, күп милләтле халкыбызның какшамас гореф-гадәтләренә сакчыл караш, өлкәннәрнең зирәклеген, аларның иҗатка юнәлтелгән бәяләп бетергесез тәҗрибәсен хөрмәт итү нигезе дә булды.
Без остазларыбыз белән горурланабыз! Сезнең игелекле хезмәтегез - кадрлар потенциалын ныгытуга һәм республикабызның, бөтен илебезнең тотрыклы үсешенә бәяләп бетергесез өлеш кертү ул.
Сезгә нык сәламәтлек, бетмәс-төкәнмәс энергия, һөнәри озын гомер һәм яңа казанышлар телим! Укучыларыгыз һәм шәкертләрегез җиңүләре һәм казанышлары белән сөендерсен, ә үз юлыгызны табарга ярдәм иткән кешеләргә ихлас рәхмәтләрегез җан җылысы һәм фидакарь хезмәтегез өчен лаеклы бүләк булсын.
Бәйрәм белән! Остаз көне белән!