Татарстан Республикасы Авыл хуҗалыгы һәм азык-төлек министрлыгының йомгаклау коллегиясе Интернет челтәре аша трансляцияләнәчәк
"2013 елда Татарстан агросәнәгать комплексы үсеше йомгаклары һәм 2014 елга авыл хуҗалыгы җитештерүенең нәтиҗәлелеген арттыру юллары" Татарстан Республикасы Авыл хуҗалыгы һәм азык-төлек министрлыгының йомгаклау коллегиясе утырышының Интернет челтәре аша трансляциясе 2014 елның 19 февралендә ТР Хөкүмәтенең рәсми порталында оештырылачак (www.prav.tatarstan.ru).
Йомгаклау коллегиясендә Татарстан республикасы Президенты Рөстәм Миңнеханов катнашачак.
Чара "Казан Ярминкәсе" күргәзмә үзәгенең территориясендә уздырылачак. Утырыш алдыннан Рөстәм Миңнеханов һәм аны озата йөрүче затлар "Агрокомплекс: Итерагро. Анимед. Идел буе фермеры" 17нче махсуслаштырылган күргәзмә һәм "Волгапродэкспо" 14нче махсуслаштырылган күргәзмә, Идел буе агросәнәгать форумы экспозицияләрен карар дип планлаштырыла.
Йомгаклау коллегиясе барышында ТР Премьер-министры урыбасары - ТР авыл хуҗалыгы һәм азык-төлек министры Марат Әхмәтов, ТР муниципаль районнарының авыл хуҗалыгы оешмаларының вәкилләре чыгыш ясар дип көтелә.
Трансляция башлану вакыты – 10.00 сәгать.