Татарстан делегациясе Харбин шәһәренә китте

Бүген Татарстан Республикасы Премьер-министры Рөстәм Миңнеханов, 2009 елгы Бөтендөнья кышкы универсиадасын ачу тантанасында катнашу өчен, Харбин шәһәренә (Кытай) китте.
Татарстан делегациясе составында - Казан мэры Илсур Метшин, Казанда узачак Универсиада-2013 не оештыру комитеты әгъзалары, шәһәр администрациясе, Татарстан Республикасы Яшьләр эшләре, спорт һәм туристлык министрлыгы вәкилләре.
Россия студентлар спорт союзы президенты Олег Матыцин белән Татарстан Республикасы яшьләр эшләре, спорт һәм туристлык министры Марат Бариев инде берничә көн Харбин шәһәрендәге конференция һәм утырышларда катнаша. Кытайда булу вакытында Татарстан делегациясе Харбин һәм башка шәһәрләрдәге кайбер спорт объектларын, шул исәптән биатлончы һәм сноубордчылар шөгыльләнә торган тауда чаңгы шуу комплексын карап чыгачак.
Универсиада-2009 да Татарстанны 30 дан артык спортчы тәкъдир итәчәк, алар спортның өч төрендә катнашачак – тимераякта тиз шуу (Яшел Үзәннән Екатерина Лукоянова 500 һәм 1000 метрлы дистанцияләрдә старт ясаячак), хоккей (“Ак Барс” (Казан), Лениногорск һәм Әлмәтнең “Нефтяник” командалары уенчылары), тимераякта синхрон шуу (“Татарстан” командасы).
Кышкы Универсиада-2009 ны ачу тантанасы 18 нче февральдә Мәскәү вакыты белән 14:55 тә “Спорт” каналыннан трансляцияләнәчәк.