Татарстан Республикасы Хөкүмәте

Илдар Халиков “Шнейдер электрик” компаниясе делегациясе белән очрашты

2014 елның 5 марты, чәршәмбе

Татарстан Премьер-министры Илдар Халиков бүген Invest in Tatarstan форумы кысаларында “Шнейдер электрик” компаниясе делегациясе белән очрашты.
Илдар Халиков кунакларны сәламләп, форумда катнашулары өчен рәхмәт белдерде.

ТР Хөкүмәте башлыгы республиканың “Шнейдер электрик” компаниясе белән партнерлык мөнәсәбәтләренең сыйфатын югары бәяләде һәм алга таба да хезмәттәшлек дәвам итәр, дигән ышаныч белдерде.

Үз чиратында “Шнейдер электрик” компаниясенең Россия һәм БДБ илләре буенча президенты Жан-Луи Стази хәбәр иткәнчә, компания өчен Россия базары күләм буенча дүртенче, Европада Франциядән кала икенче булып тора. Күптән түгел компания Самара һәм Екатеринбургта энергетика предприятиеләрен булдырган.

Татарстанда компания “Татэнерго”ның стратегик партнеры булып тора, һәм хәзер “Татнефть” белән хезмәттәшлеген шул дәрәҗәгә күтәрергә тели. Стази фикеренчә, компаниянең “акыллы” энергетика системаларын Иннополис һәм “Смарт Сити Казан” проектларында кулланырга мөмкин булыр иде.

Илдар Халиков очрашуны йомгаклап, компания белән республиканың хезмәттәшлеге дәвам итәчәген канәгатьләнү белән белдерде. Шулай ук республика “Шнейдер электрик” компаниясенең энергияне саклау буенча тәкъдимен карарга әзер, дип хәбәр итте ул.

ТР Президенты матбугат хезмәте. Михаил Миронов.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

гыйнвар, 2026 ел

Алексей Песошин: 2025 елда Гадәттән тыш хәлләр министрлыгы хезмәткәрләре тарафыннан халыкның һәм территорияләрнең иминлеген тәэмин итү буенча зур эш башкарылды

Татарстан Премьер-министры Алексей Песошин Россия гадәттән тыш хәлләр министрлыгының Татарстан Республикасы буенча Баш идарәсенең һәм Татарстан Республикасы Гадәттән тыш хәлләр министрлыгы коллегиясенең 2025 елда Татарстан Республикасы Гадәттән тыш хәлләрне кисәтү, бетерү һәм гражданнар оборонасы бердәм дәүләт системасының территориаль ярдәмче системасы эшчәнлегенә йомгак ясау һәм 2026 елга бурычлар турындагы киңәйтелгән уртак утырышында катнашты.

Алексей Песошин Гадәттән тыш хәлләр министрлыгының Татарстан бүлекчәләренә яңа техника ачкычлары тапшырды

Бүген Татарстан Премьер-министры Алексей Песошин һәм Россия Гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсе башлыгы Ирек Кадамов Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсе һәм ТР Гражданнар оборонасы эшләре һәм гадәттән тыш хәлләр министрлыгы бүлекчәләренә яңа янгын сүндерү һәм коткару техникасы ачкычларын тапшырдылар.

гыйнвар, 2026 ел

Шамил Гафаров ТРда юл хәрәкәте иминлеген тәэмин итү комиссиясендә: Икенче ел юл-транспорт һәлакәтләрендә һәлак булучылар саны арту тенденциясе саклана

Татарстанда, төрле чараларга карамастан, икенче ел юл-транспорт һәлакәтләре нәтиҗәсендә һәлак булучылар саны арту тенденциясе саклана. Бу хакта бүген Юл хәрәкәте иминлеген тәэмин итү буенча Татарстан Республикасы Хөкүмәте комиссиясе утырышында Татарстан Республикасы Премьер-министры урынбасары – Министрлар Кабинеты Аппараты җитәкчесе Шамил Гафаров хәбәр итте. Утырыш барлык муниципаль районнар белән видеоконференцэлемтә режимында узды.

ТР Хөкүмәте Йортында узган брифингта 2026 елның 1 мартыннан газ җиһазларын куллануга таләпләрнең катгыйлануы турында сөйләделәр

1 марттан Россиядә газ җиһазларын куллануга таләпләр катгыйланачак. 2026 елның беренче аенда Татарстанда угар газы белән агулану аркасында үлүчеләр саны кискен артты. Фаҗига еш кына яшәүчеләрнең, газ приборларын кулланганда, саксызлыгына бәйле. Үзеңне ничек сакларга һәм һәлакәтләрне булдырмау өчен кануннарда нәрсә үзгәрәчәк - бу хакта бүген Татарстан Республикасы Министрлар Кабинетында узган брифингта сөйләштеләр.

ЯҢАЛЫКЛАРГА ЯЗЫЛУ