ТР Премьер-министры Илдар Халиков Торонтода:Татарстан Республикасы һәм Канаданың сәяси һәм эшлекле бәйләнешләр көче бик югары

2014 елның 13 мартында ТР Премьер-министры Илдар Халиков җитәкчелегендәге Татарстан делегациясе Канада һәм Татарстан эшлеклеләре катнашында “түгәрәк өстәл”дә катнашты. Бу чара Торонтода (Канада), CERBA (First Canadian Place, 100 King Street West, Suite 1600) офисында узды.

“Түгәрәк өстәл”дә катнашучыларны Россия һәм Евразиядә Канада эшлекле ассоциациясенең (CERBA) милли директорлар советы рәисе Лу Наумовски сәламләде. Ул кыскача оешманың эшчәнлеге турында сөйләде. CERBA оешмасының Мәскәү, Калгари, Торонто, Монреальда офислары бар.

Лу Наумовски билгеләвенчә, Канада компанияләрен Татарстанның финанслар, авыл хуҗалыгы һәм табигый байлыклар өлкәсендәге предприятиеләр белән хезмәттәшлек итү кызыксындыра. Ул шулай ук, Татарстан Республикасының Сәүдә-сәнәгать палатасы һәм Канаданың CERBA оешмасы үзара килешү турында меморандум әзерлиләр.

ТР Премьер-министры Илдар Халиков, ТР Президенты һәм ТР Хөкүмәте исеменнән CERBA оешмасына җылы каршы алулары өчен рәхмәт белдерде. Татарстан Республикасы һәм Канаданың сәяси һәм эшлекле бәйләнешләр көче бик югары, диде ул.

Очрашуда катнашучылар өчен Татарстан турында видеоролик «We can!» күрсәтелде.

ТРның Инвестицион үсеш агентлыгы җитәкчесе Линар Якупов Татарстан территориясендә гамәлгә ашырыла торган төп инвестицион проектлар турында сөйләде.
Канада эшмәкәрләренә шулай ук “Алабуга” МИЗ, “Смарт Сити Казан” һәм “Иннополис” кебек инвестиция проектлары тәкъдим ителде.

Илдар Халиков фикеренчә, тагын бер перспективалы юнәлеш - ИТ-хезмәтләр өлкәсе. Бүгенге көндә Россиядә иң күп яңа ИТ-продуктлар Татарстан территориясендә гамәлгә ашырыла.
Һәм тагын бер мөһим проект – “Алабуга” МИЗ территориясендә Pratt&Whitney компаниясе двигательләрен җитештерүне оештыру мөмкинлеге, бу мөмкинлек турында бер көн алдан Монреальда фикер алыштылар.