Татарстан Республикасы делегациясе вәкилләре “Дубай Ворлд Централ” компаниясе вице-президенты Тахнун Саиф белән очрашты

Бүген Татарстан Республикасы вәкилләре “Дубай Ворлд Централ” (Dubai World Central, DWC) компаниясе вице-президенты Тахнун Саиф белән очрашты.

Очрашу Дубайда ел саен уздырыла торган IV инвестиция форумы (Annual Investment Meeting, AIM) кысаларында узды.

Dubai World Central (DWC) – зур күп фазалы комплекс, аэропорт яны зонасын нәтиҗәле файдалануның иң яхшы үрнәкләренең берсе.
Татарстан Республикасы өчен Dubai World Central аэрополислар модельләре үсешендә дөнья тәҗрибәсен өйрәнү үрнәге сыйфатында кызыклы.

ТР Инвестиция үсеше агентлыгы җитәкчесе Линар Якупов, бүген Татарстан потенциаль инвесторлар белән эшләүдә халыкара тәҗрибәне өйрәнү белән кызыксына, дип белдерде. “DWC тәҗрибәсе шулай ук “Смарт Сити Казан” инвестиция проектын гамәлгә ашыруда ярдәм итәргә мөмкин”, диде ул.

Искә төшерәбез, AIM 2014 форумында ТР Президенты ярдәмчесе Радик Гыйматдинов, ТР Инвестиция үсеше агентлыгы җитәкчесе Линар Якупов, Берләшкән Гарәп Әмирлекләрендә Татарстан Республикасының сәүдә-сәнәгать вәкиле Тимур Хәйретдинов, “Иннополис” махсус икътисади зона” ААҖ генераль директоры Игорь Носов, ТРның Лаеш муниципаль районы башлыгы Михаил Афанасьев, ТР Сәүдә-сәнәгать палатасы идарәсе рәисе Шамил Агеев, “Казан” халыкара аэропорты генераль директоры Алексей Старостин катнаша.