Рөстәм Миңнеханов "Алабуга" МИЗ территориясендә ике яңа производство төзелеше ачылу тантанасында катнашты
2014 елның 10 апреле, пәнҗешәмбе
Бүген "Алабуга" махсус икътисадый зона территориясендә "Хави Логистик Алабуга" ҖЧҖнең җитештерү-бүленеш үзәге төзелеше һәм "Хухтамаки Фудсервис Алабуга" ҖЧҖнең бер тапкыр кулланыла торган савыт-саба һәм кәгазьдән упаковкаларны җитештерү предприятиесе төзелеше ачылу тантанасы узды. Чарада Татарстан Республикасы Президенты Рөстәм Миңнеханов, "Хави Логистик Европа" компаниясе президенты Халук Илкдемирчи,"Хухтамаки" Көнчыгыш Европа буенча вице-президенты Ким Аганимов, "Макдоналдс" Россиядә генераль директоры Алексей Семенов, "ОЭЗ ППТ "Алабуга" ААҖ директоры Тимур Шаһивәлиев, Алабуга муниципаль районының башлыгы Геннадий Емельянов һәм башкалар катништы.
"Хави Логистик Алабуга" ҖЧҖнең җитештерү-бүленеш үзәге берничә предприятиедән торачак - азык-төлек, савыт-саба һәм упаковка җитештерүчеләр. Предприятие продукцияне алучы һәм рестораннарны продукция белән тәэмин итүче булачак. Компаниянең төп клиенты McDonald’s рестораннар челтщре булачак. 53 эш урыны булдыру планлаштырыла. Гомумән бүленеш комплексы елына 25 500 тонна продукцияне эшкәртә алачак.
Әлеге үзәк Россиянең үзәк һәм көнчыгыш өлешләрендәге McDonald’s рестораннарын продукция белән тәэмин итә алачак, шула ук McDonald’s ның азык-төлек продукциясе өлкәсендәге партнерларын да "Алабуга" МИЗ территориясенә җәлеп итә алачак дип көтелә.
"Хухтамаки Фудсервис Алабуга" ҖЧҖ - бүген төзелеш башлап җибәргән икенче предприятие. Huhtamaki Финляндия компаниясе проектны гамәлгә ашыру кысаларында McDonald’s рестораннары өчен елына 641 млн. шт. бер кат кулланыла торган стаканнар җитештерер дип планлаштырыла. 20 эш урыны булдырылачак. Производствоны эшләтеп җибәрү 2015 елга билгеләнгән.
Җәмәгать тукландыруның актив үсешенә бәйле рәвештә, "Макдоналдс" рестораннары челтәре Россия көнчыгышы өчен "Алабуга" МИЗ территорясендә Food Town яисә "Тәэмин итүчеләр шәһәрен" булдыру проектын хуплады. "Макдоналдс" компаниясенең даими партнерлары - "ХАВИ Логистикс" һәм «Хухтамаки Фудсервис" компанияләре җитештерү-бүленеш комплексының өлеше булачаклар.
Мондый әһәмиятле чарада катнашу бик тә шатландыра, - дип әйтте Рөстәм Миңнеханов тантанадагы чыгышында. - Без "Алабуга" махсус икътисадый зонасының резидентлары булган ике компаниянең производстволары төзелешенә беренче таш салабыз бүген. Инде эшләп килүче "Белая Дача" компанясенең производствосы янында ачылулары да бик мөһим. Ягъни биредә, "Алабуга" МИЗ территориясендә, без яңа кластер формалаштырабыз, дип әйтеп була.
Татарстан Президенты кыскача "Алабуга" МИЗ үсеше турында хәбәр итте. Аның сүзләренчә, биредә бүген 41 резидент бар, шуларның унысында производство эшләп килә. Рөстәм Миңнеханов Россия икътисад министрлыгына һәм "Махсус икътисадый зоналар" ААҖнә ярдәмнәре өчен рәхмәт белдерде.
Татарстан Президенты ассызыклаганча, бүген республика территориясендә инде ике махсус икътисадый зона үсеп килә - "Алабуга" МИЗ һәм "Иннополис" техник-кертү тибындагы махсус икътисадый зона.
"Ышанам ки, махсус икътисадый зоналарга федераль һәм республика бюджетыннан кергән инвестицияләр акчалата гына түгел, ә заманча технологияләр, яңа һөнәрләр, яңа эш урыннары, шулай ук хезмәт күрсәтү һәм импортны алыштыру процессы буларак илебезгә кире кайтачаклар", - дип әйтте Рөстәм Миңнеханов.
"Мин шулай ук безнең партнерларга, резидентларга рәхмәт әйтәм - аларның безгә ышанганнары өчен, без биредә бизнес үсеше һәм яңа производстволарны ачуга иң уңайлы шартлар булачагында сүз бирәбез. Сезнең проектларның уңышлылыгы - тигез өлештә безнең җаваплылык та ул", - дип ассызыклады Татарстан Президенты. Ул иң якын арада яңа производстволарның уңышлы гына эшләп китүен тешләде.
ТР Президенты Матбугат хезмәте, Елена Бритвина.
Бүлешү:
СОҢГЫ ЯҢАЛЫКЛАР
12
май, 2026 ел
«Россия – Ислам дөньясы: КазанФорум» ХVII халыкара икътисадый форумына 100дән артык дәүләттән катнашучылар теркәлгән. Бу хакта бүген ТР Хөкүмәте Йортында узган брифингта Татарстан Инвестицион үсеш агентлыгы җитәкчесе һәм форумның оештыру комитеты әгъзасы Талия Миңнуллина сөйләде.
10
май, 2026 ел
Бүген Казанда Пушкин исемендәге концерт залында МХО буенча Татарстан Республикасы Премьер-министры ярдәмчесе, Татарстан Республикасы буенча элеккеге федераль инспектор, легендар генерал Ренат Тимерҗанов белән хушлашу тантанасы узды.
Гражданнар панихидасында Татарстан Рәисе Рөстәм Миңнеханов, Россия Эчке эшләр министрлыгының РФ субъектлары башкарма хакимияте органнары белән үзара хезмәттәшлекне җайга салуны җәмәгать тәртибен саклауны тәэмин итү буенча Баш идарәсе башлыгы Ленар Габдерахманов, Татарстан Республикасы буенча Баш федераль инспектор Виктор Демидов, Татарстан Республикасы Рәисе Администрациясе Җитәкчесе Әсгать Сәфәров, Татарстан Республикасы буенча эчке эшләр министры урынбасары Алексей Соколов, Федераль иминлек хезмәтенең Татарстан Республикасы буенча идарәсенең элеккеге башлыгы (1998-2004 елларда) Александр Гусев, Ренат Тимерҗановның туганнары һәм якыннары, хезмәттәшләре катнашты.
9
май, 2026 ел
Бүген Татарстан Премьер-министры Алексей Песошин Казанның Арча зиратындагы «Җиңүче Солдат» монументына чәчәкләр салды
Ул 9 май – 1941-1945 еллардагы Бөек Ватан сугышында Җиңү көнен бәйрәм итүгә багышланган.
8
май, 2026 ел
Мәскәүдә Россия Федерациясе Президенты ярдәмчесе Юрий Ушаков җитәкчелегендә Россия – АСЕАН саммитын әзерләү һәм уздыру буенча оештыру комитеты утырышы узды.
Саммит Казанда Россия Федерациясе Президентының 2026 елның 21 апрелендәге 268 номерлы Указы нигезендә узачак.
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз