Татарстан Республикасы Премьер-министры Илдар Халиковның Космонавтика көне белән котлавы

Татарстан Республикасы Премьер-министры Илдар Халиков бүген Татарстанлыларны Космонавтика көне белән котлады.

“Кадерле татарстанлылар! – дилә котлау текстында. Татарстан Республикасы Хөкүмәте һәм үз исемемнән сезне чын күңелдән Космонавтика көне белән котлыйм!

Ярты гасыр элек кеше беренче тапкыр галәмгә очкач, бу вакыйгага дөнья шаккатты. Мондый мөһим вакыйга космонавтика тарихында алга китеш булды. Бу батырлык безнең цивилизация үсешендә яңа эраны ачып җибәрде, безнең ил галәм киңлекләрен үзләштерүдә әйдәп баручыга әверелде.

Илебез космонавтикасының тарихи казанышларына мөрәҗәгать итү киләчәк өчен кирәк: белем бирүдә уңышлар, яшь буынны патриотик рухта тәрбияләү, фундаменталь тикшеренүләр һәм яңа ачышлар, фәнни-техник прогресс һәм илебез иминлеге өчен.

Татарстан җитәкчелеге космонавтика үсешенә зур әһәмият бирә. Республика предприятиеләре продукциясе ракета йөртүчеләрдә һәм планетатара станцияләрдә киң кулланышта. Галимнәр һәм педагогларның халыкара интеллектуаль тирәлектә лаеклы урын алырга омтылуларын гамәлгә ашырып, республика киләчәктә дә үзенең фәнни-мәгариф һәм технологик көчен арттырачак, шул исәптән авиакосмос тармагында да. 2013 елның җәендә Казан (Идел буе) федераль университетының В.П.Энгельгардт исемендәге Астрономия обсерваториясе базасында ачылган “Планетарий” фәнни-мәгариф комплексы милли галәм мирасын саклауда һәм арттыруда көченнән килгәнчә өлеш кертергә тиеш.

Космонавтика көне – үзләренең талантлары белән галәм тармагының бик тиз үсешенә ярдәм иткән кешеләр өчен зур бәйрәм. Очучы-космонавт һөнәреннән дә батыр һәм кыю һөнәр юк. Алар алдынды баш иеп, аларның батырлыкларына, көчләренә, акылларына сокланып, киләчәктә дә Галәм исемле иксез-чиксез океанны яулауда уңышлар телибез!
Татарстан Республикасы Премьер-министры Илдар Халиков”.