ТР экология һәм табигый байлыклар министры шәһәр һәм район территорияләрен чистарту буенча санитар-экологик икеайлыкның барышы турында хәбәр итте

Татарстан Республикасында шәһәр һәм район территорияләрен чистарту буенча санитар-экологик икеайлыкның барышы турында бүген Татарстан Республикасы Хөкүмәте Йортында узган киңәшмәдә ТР экология һәм табигый байлыклар министры Артем Сидоров хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Премьер-министры Илдар Халиков уздырды.

Республика күләмендәге өмә быел Татарстанда 26 апрельдә узды. Анда 480 меңнән артык кеше катнашты, дип хәбәр итте Артем Сидоров.

Кайбер районнарда өмә белән бер үк вакытта “Урман утырту көне” республика акциясе узды.

Икеайлык кысаларында тиешсез җирдә булган чүплекләрне юк итү барды. ТР Экология һәм табигый байлыклар министрлыгы 2014 елның 17 һәм 30 апрельдә территорияләрне очып-карап узды, нәтиҗәдә закон бозу очраклары ачыкланды һәм алар бетерелде.

Артем Сидоров зиратлар тирәсендәге тиешсез чүплекләрне бетерү һәм тәртип урнаштыру турында муниципаль район башлыкларына мөрәҗәгать итте. Киңәшмә барышында зиратлар тирәсендә, аерым алганда Казан зиратлары (Арча, Архангельск, Татар зираты) тирәсендәге чүплекләрне раслаучы слайдлар күрсәтелде.