Илдар Халиков Россия китап берлегенең регионнар клубы киңәшмәсендә сәламләү сүзе белән чыгыш ясады

Россия китап берлегенең регионнар клубы киңәшмәсен бүген Россия китап берлеге президенты Сергей Степашин уздырды. Бу чара Казан Ратушасында үтте, анда ТР Премьер-министры Илдар Халиков катнашты.

Илдар Халиков катнашучыларны Татарстан Президенты исеменнән сәламләде һәм бүгенге чараны уздыру өчен Казанны сайлаулары өчен рәхмәт белдерде.

Премьер-министр фикеренчә, Россия китап берлеге регионнар клубында катнашучыларга фикер алышырлык сәбәпләр бар. “Бу сөйләшү илдә мәгариф һәм мәдәниятне үстерү күзлегеннән караганда бик мөһим, - диде ул. Фикер алышулар барышында китап темасы берничә тапкыр күтәрелде. Бу безнең уртак проблемалар, шул исәптән, яшьләрнең уку активлыгы кимүе дә”.

Илдар Халиков сүзләренчә, дәреслекләр бастыру мәсьәләсе дә бик мөһим санала, шулай ук РФ фән һәм мәгариф министрлыгының эшчәнлеген координацияләү. Бу шул исәптән дәреслекләрнең сыйфаты да, аларның бәясе дә, аеруча соңгы 5-7 елда.

“Ышанам, мондый формат – клубның форматы - ике яктан да катнашучылар өчен уңайлы, төрле тәкъдимнәрне һәм карашларны җиткерү өчен, бик яхшы рәвештә нәтиҗәсен булдыру өчен дә уңайлы, - диде Илдар Халиков. Чын күңелемнән бу эшнең иҗади, нәтиҗәле булуын, катнашучыларның максатларга ирешүен телим”.