Илдар Халиков Казанда 2015 елда булачак Спортның су төрләре буенча XVI дөнья чемпионатына әзерлек буенча оештыру комитеты утырышын уздырды

Казанда 2015 елда булачак Спортның су төрләре буенча XVI дөнья чемпионатына әзерлек һәм аны уздыру буенча оештыру комитетының утырышы бүген ТР Хөкүмәте йортында үтте. Утырышны ТР Премьер-министры Илдар Халиков уздырды.
Утырыш барышында оештыру мәсьәләләре турында фикер алыштылар.

ТР яшьләр эшләре һәм спорт министры урынбасары Хәлил Шәйхетдинов хәбәр иткәнчә, хай-дайвинг буенча FINA Дөнья кубогына тест чаралары Казанда 2014 елның 8-10 августында Казансу елгасында, дөньяның 35 спортчысы катнашында узачак. Ул шулай ук ярышлар кысаларында спорт программасы турында хәбәр итте.

Искә төшерәбез, хай-дайвинг FINA ның XX техник Конгрессында тәкъдим ителгән иде һәм беренче тапкыр, 2013 елда Барселонада Cпортның су төрләре буенча XV дөнья чемпионатыннан башлап, спорт программасына кертелде.