Татарстан Премьер-министры Илдар Халиков чуаш мәдәниятенең "Уяв-2014" VIII Бөтенроссия милли бәйрәмендә катнашты

Бүген Татарстан Республикасы Премьер-министры Илдар Халиков чуаш мәдәниятенең "Уяв-2014" VIII Бөтенроссия милли бәйрәмендә катнашты.Бу чара Нурлатта узды.

Бу бәйрәм монда 2006 нчы елдан уздырыла, һәм Нурлатны “Уяв”ның башкаласы дип атарга мөмкин.

Россиянең барлык почмакларыннан килгән 100дән артык фольклор коллективы бәйрәмнең кунакларын һәм катнашучыларын бай мәдәни программа белән шатландырды.

Бу чарага Чуашстаннан, Мәскәү, Санкт-Петербург, Самара өлкәсе, Пермь крае, Башкортстан һәм Россиянең башка төбәкләреннән рәсми затлар килде.

Кунакларга милли аш-сулар белән төрле чуаш хуҗалыкларының күргәзмәләрен тәкъдим иттеләр.

ТР Премьер-министры Илдар Халиков ТР Президенты Рөстәм Миңнеханов исеменнән котлау сүзләрен җиткерде, барысына да бу бәйрәмне яхшы кәеф белән уздыруларын теләде.

Илдар Халиков милли-мәдәни хәрәкәт активистларына - "Теремок" балалар бакчасы мөдире Татьяна Фадеевага, ТР Югары суды судьясы Александр Огоневка - ТР Министрлар Кабинетының Рәхмәт хатларын тапшырды.

Бәйрәмнең иң мөһим мизгелләренең берсе - Айрат Сибагатуллин һәм Вадим Ефимовның ТР һәм Чуашстан Республикасы арасында мәдәният һәм үсеш өлкәсендә хезмәттәшлек турында Килешүне имзалаулары булды.

Соңыннан Илдар Халиков кунаклар белән "Уяв"ның төп символы - әйлән-бәйләнгә кушылды.

Бәйрәмдә традиция буенча спорт-күңел ачу чаралары, мәдәни-массакүләм чаралар, бәйгеләр оештырылды. Монда ук “Милли эчемлек”, Милли ашамлык”, “Декоратив-гамәли сәнгать” бәйгеләренә йомгак ясалды.