Илдар Халиков Nussli International AG компаниясенең генераль директоры белән очрашты

Бүген Татарстан Республикасы Премьер-министры Илдар Халиков Nussli International AG компаниясенең генераль директоры белән очрашты.

Очрашу ТР Хөкүмәте йортында узды.

Искә төшерәбез, 1940 елларда Швейцариядә нигез салынган Nussli компаниясе бүгенге көндә мәдәни-массакүләм чаралар, ярминкәләр һәм күргәзмәләр уздыру өчен вакытлы җиһазлар белән тәэмин итүче дөньядагы әйдәп баручы компания санала. Татарстанга компания 2015 елда спортның су төрләре буенча дөнья чемпионатына әзерлек һәм аны уздыру кысаларында бергә эшләү өчен чакырылган.

Сезнең компания махсус спорт җиһазларын булдыру өлкәсендә алдынгылардан санала, диде Илдар Халиков, компаниянең генераль директоры Рей Ретога мөрәҗәгать итеп.
“Без сезнең белән әзерлек процессын быел ук башлыйбыз,- дип искә төшерде Илдар Халиков. – 2014 елның 8-10 августында Казанда хай-дайвинг буенча беренче Дөнья кубогына ярышлар узачак, һәм безнең уртак бурычыбыз – ярышларны югары дәрәҗәдә уздыру. Безнең барысының да вакытына оештырылачагына җитди ышанычыбыз бар”.

Үз чиратында Рей Рето әзерлек эшләре кысаларында планнар турында, махсус җиһазларны монтажлау этаплары, шул исәптән – сикерү өчен вышкалары турында сөйләде.

Белешмә өчен:
Хай дайвинг – беренче тапкыр спортның су төрләре буенча дөнья чемпионаты программасына Барселонада (Испания) узган ярышларда, 2013 елда кертелде.
Хай-дайвинг – ул суга биектән сикерү буенча ярышлар.
1996 елда хай-дайвинг буенча дөнья федерациясе оештырыла.