“Смарт Сити Казань” мәйданчыгында прецизион җиһазлар җитештерү тәкъдим ителә

2014 елның 1 августы, җомга
“Смарт Сити Казань” мәйданчыгында Россиянең “Лионтех” компаниясе белән Көньяк Кореянең Mirae компаниясе бергә радиоэлектроника сәнәгате өчен югары төгәллеккә ия җиһазлар эшләп чыгару буенча завод төзергә планлаштыралар. Бүген компанияләр җитәкчеләре Татарстан Премьер-министры Илдар Халиков белән очрашуда проектны гамәлгә кертү перспективалары турында фикер алыштылар. ТР Хөкүмәт йортында узган очрашуда ТРның Лаеш муниципаль районы башлыгы Михаил Афанасьев, “Иннополис” МИЗ генераль директоры Игорь Носов катнашты.

Россиянең “Лионтех” компаниясе тәкъдим иткән проектта“Смарт Сити Казань” мәйданчыгында радиоэлектроника сәнәгате өчен кирәкле югары төгәллеккә ия җиһазлар чыгару буенча завод төзү карала. Беренче этапта Татарстанда җыю производствосын оештыру планлаштырыла. Шулай ук проектта белгечләр әзерләү һәм эшләнмәләр үзәкләре булдыру карала. Заводта эшләп чыгарырга планлаштырылган җиһазлар электрон эшләнмәләр җыю линияләрендә, шулай ук светодиодлы техника җитештерүдә кулланылачак.

Илдар Халиков бүген компанияләр делегацияләрен сәламләп, инвесторлар өчен республикадагы мөмкинлекләр –булдырылган һәм төзеләчәк инновацион мәйданчыклар турында хәбәр итте.

Ул тәкъдим ителгән инвестицион проектны хуплады һәм җаваплы булган министрлыклар белән ведомстволарга аны гамәлгә кертү өчен алдагы этаплар белән шөгыльләнүне йөкләде.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International