Татарстан Президенты дәүләт хезмәте ветераннары белән очрашты
Бүген, Өлкәннәр көнендә, Казанда Татарстан Республикасы дәүләт хезмәте ветераннарына хөрмәт күрсәттеләр. Татарстан Республикасы Президенты Рөстәм Миңнеханов аларга рәхмәт сүзләре җиткерде.
«Казан» милли-мәдәният үзәгендә җыелган ветераннарны сәламләп, Татарстан Республикасы Президенты аларга хезмәтләре өчен рәхмәт белдерде. «Монда безнең Татарстанның нигезен формалаштырган кешеләр җыелган, - диде Рөстәм Миңнеханов. - Бүген республика – илебезнең иң алга киткән субъектларыннан берсе, һәм бу сез салган нык фундаметка таяна».
Татарстан Президенты ассызыклаганча, республика җитәкчелеге үзенең социаль йөкләмәләрен төгәл үти. «Безнең төп бурыч – гражданнарыбызның тормыш дәрәҗәсен яхшырту», - дип билгеләп үтте Р.Миңнеханов.
Ул дәүләт хезмәте ветераннарына рәхмәт белдерде һәм рәсми рәхмәтләр тапшырды. Шуннан соң бәйрәм тантанасын концерт дәвам итә.