Илдар Халиков Казанда спортның су төрләре буенча 2015 елгы XVI дөнья чемпионатын әзерләү һәм аны уздыру буенча оештыру комитеты утырышын уздырды

ТР Премьер-министры Илдар Халиков бүген Казанда спортның су төрләре буенча XVI дөнья чемпионатына һәм “Мастерс” категориясендә спортның су төрләре буенча XVI дөнья чемпионатына әзерлек һәм аны уздыру буенча республика оештыру комитеты утырышын уздырды.
Бу чара ТР Хөкүмәте йортында узды, анда дөнья чемпионатын оештыру белән шөгыльләнүче министрлыклар һәм ведомстволар вәкилләре катнашты.

Утырышта оештыру мәсьәләләре, спорт программасын әзерләү, шулай ук ярышларны финанслау мәсьәләләре буенча фикер алыштылар.

Төп докладны “Спорт проектлары башкарма дирекциясе” автоном коммерциячел булмаган оешманың генераль директоры Азат Кадыйров ясады. Ул искә төшергәнчә, 2014 елның 17 сентябрендә Россия спорт министры Виталий Мутко җитәкчелегендә 2015 елда Казанда спортның су төрләре буенча XVI дөнья чемпионатына һәм “Мастерс” категориясендә спортның су төрләре буенча XVI дөнья чемпионатына әзерлек һәм аны уздыру буенча республика оештыру комитеты утырышы узды. Спорт программасы, спорт һәм тренировка объектлары исемлеге, ярышларда катнашучылар һәм кунакларныңд килү-китү концепциясе, чемпионат логотибы расланды.

Искә төшерәбез, 2015 елда Казанда спортның су төрләре буенча XVI дөнья чемпионаты һәм “Мастерс” категориясендә спортның су төрләре буенча XVI дөнья чемпионаты Россиядә беренче тапкыр булачак.

Казанда спортның су төрләре буенча XVI дөнья чемпионаты 2015 елның 24 июленнән 9 августына кадәр узачак. Ярышларда 2,5 мең спортчы, 2 мең рәсми затлар катнашачак, дөньяның 180-185 иленнән вәкилләр киләчәк. Спортның 6 төре буенча 71 комплект бүләк уйнатылачак. Хәзерге вакытта спорт программасы спортның 6 төрен үз эченә ала – болар йөзү, синхрон йөзү, ачык суда йөзү, суга сикерү, суда туплы уен, хай-дайвинг.