Татарстан Республикасы Хөкүмәте

Иран вице-президенты "КАИ-Лазер" инжиниринг үзәгендә булды

2014 елның 29 октябре, чәршәмбе

Бүген Иран Ислам Республикасы вице-президенты Сурен Саттари Казанда "КАИ-Лазер" инжиниринг үзәгендә булды. Аны Татарстан Премьер-министры Илдар Халиков озата йөрде.

Иран делегациясе әгъзалары өчен инжиниринг үзәге буенча экскурсияне КИТТУ-КАИ ректоры Альберт Гыйльметдинов уздырды. Ул, аерым алганда, металлар эретү станогын, шулай ук металларны лазер ярдәмендә кисү һәм эретеп ябыштыру өчен файдалана торган станокны күрсәтте. Иран белгечләре белән аралашканда Альберт Гыйльметдинов, лазер белән теләсә нинди металлны эшкәртеп булу турында сөйләде.

Ректор Иран делегациясе әгъзаларына төрле объектларның 3D-модельләрен төзү һәм тикшерү өчен компьютер рентген томографын күрсәтте.

Инжиниринг үзәгендә булганда Альберт Гыйльметдинов шулай ук КИТТУ-КАИның композит материаллар һәм башка юнәлешләр өлкәсендәге тикшеренүләр һәм проектларны тәкъдим итте, югары уку йорты турында тулырак сөйләде һәм Иран партнерларын хезмәттәшлек итүгә чакырды.

Үз чиратында Иран вице-президенты Сурен Саттари инжиниринг үзәгенең бүген тәкъдир ителгән мөмкинлекләрен югары бәяләде һәм КИТТУ-КАИ белән хезмәттәшлек итүгә ышаныч белдерде.

ТР Президенты матбугат хезмәте. Михаил Миронов

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ