А.М. Горький исемендәге Яшел Үзән заводында 15310 проекты буенча ике чыбыклы судно корпусларына нигез салу тантанасы булды

Бүген "А.М.Горький исемендәге Яшел Үзән заводы" ААҖдә (предприятие “Ак Барс” холдинг компаниясе” ААҖ компаниясе төркеменә керә) 15310 проектлы ике чыбыклы судно корпусларына нигез салу тантанасы булды.

Тантанада Росссия Федерациясе оборона министры урынбасары Юрий Борисов, Татарстан Республикасы Премьер-министры Илдар Халиков, Яшел Үзән муниципаль районы башлыгы Александр Тыгин, Дәүләт оборона заказларын тәэмин итү буенча РФ Оборона министрлыгы департаменты идарәсе башлыгы Павел Печковский, “А.М. Горький исемендәге Яшел Үзән заводы” ААҖнең генераль директоры Ренат Мистахов, 15310 000 проектының баш конструкторы Сергей Воронин һ.б. катнашты.

Ренат Мистахов, тантананы ачып, РФ Хөкүмәтенә, РФ Хәрби-диңгез флоты җитәкчелегенә ышаныч белдергәннәре өчен рәхмәт белдерде.

Юрий Борисов завод хезмәткәрләрен төзелеш башлану белән котлады. Ул, һәрвакыттагыча Оборона министрлыгының заказы вакытында һәм тиешле сыйфатта үтәлер, дигән ышаныч белдерде.

Илдар Халиков завод хезмәткәрләрен 2014 елның уңышлы тәмамлануы белән котлады. Премьер-министр шулай ук РФ Оборона министрлыгына заводка күрсәтелгән ышаныч өчен рәхмәт әйтте һәм ул акланыр дигән ышаныч белдерде.

Александр Тыгин завод хезмәткәрләрен яңа кораблар җитештерә башлау белән котлады һәм бу заводта эшләнгән корабларга уңышлы язмышлар теләде.

Шулай ук бүген завод хезмәткәрләрен РФ Оборона министрлыгының ведомство бүләкләре һәм ТР Министрлар Кабинетының рәхмәт хатлары белән бүләкләү булды.