ТР буенча Дәүләт милке белән идарә итү буенча федераль агентлык идарәсе коллективына яңа җитәкче тәкъдим иттеләр

Дәүләт милке белән идарә итү буенча федераль агентлыкның ТРдагы территориаль идарәсенә Гөлнара Сергеева җитәкче булды. Бүген яңа җитәкчене коллективка Татарстан Премьер-министры Илдар Халиков һәм Дәүләт милке белән идарә итү буенча федераль агентлык җитәкчесе Ольга Дергунова тәкъдим итте.

Территориаль идарә хезмәткәрләренә мөрәҗәгать итеп, Ольга Дергунова Татарстанда күп професионаллар тәрбияләнүен билгеләде, алар федераль дәрәҗәдәге вазифаларны башкара. Идарәнең элеккеге җитәкчесе Елена Паткина Мәскәү өлкәсенә эшкә күчте. "Татарстан идарәсен шундый тәҗрибәле кеше җитәкләвенә мин бик шатмын”, - дип белдерде О.Дергунова.

Гөлнара Сергееваның мөһим сыйфатлары арасында, Ольга Дергунова, аның юридик белеме һәм Россия икътисадында 1990 еллар уртасыннан идарә тәҗрибәсе булуын атады. "Гөлнара Сергееваның тагын бер мөһим сыйфаты - коллективта эшли белүе, - дип ассызыклады ул.

Татарстан Премьер-министры Илдар Халиков, үз чиратында, республика җитәкчелеге Дәүләт милке белән идарә итү буенча федераль агентлыкның ТРдагы территориаль идарәсе коллективы эшен югары бәяли, дип хәбәр итте. Аның сүзләренчә, Татарстан Президенты белән булган бүгенге очрашуда хәл ителмәгән мәсьәләләрнең булмавы билгеләнгән.

Илдар Халиков Гөлнара Сергеевага яңа вазифасында уңышлар теләде һәм символик портфельне тапшырды.

Гөлнара Сергеева үзенә күрсәтелгән ышаныч өчен Татарстан Президенты Рөстәм Миңнеханов һәм РФ Президентының Идел буе федераль округындагы Тулы вәкаләтле вәкиле Михаил Бабичка рәхмәт белдерде. "Мин идарә алдына куелган бурычларның җитдилеген аңлыйм һәм коллективның ярдәменә ышанам", - диде идарәнең яңа җитәкчесе.