Минтимер Шәймиев Ольга Дергунова белән очрашты

Бүген Казан Кремлендә Татарстан Республикасы Дәүләт Киңәшчесе, “Яңарыш” фондының Попечительләр Советы рәисе Минтимер Шәймиев Россия Федерациясенең икътисади үсеш министры урынбасары – Дәүләт милке белән идарә итү буенча федераль агентлык җитәкчесе Ольга Дергунова белән очрашты. Ул бүген Казанга Дәүләт милке белән идарә итү буенча агентлыкның ТРдагы территориаль идарәсенә яңа җитәкче билгеләнү уңаеннан килде.

ТР Дәүләт Советы рәисе урынбасары, “Яңарыш” республика фондының башкарма директоры Татьяна Ларионова кунакларга борынгы Болгар шәһәре һәм Зөя утрау-шәһәрлеген яңадан торгызу буенча фондның эшчәнлеге турында сөйләде.

Очрашу барышында Дәүләт милке белән идарә итү буенча федераль агентлык карамагында булган бу объектларны яңадан торгызу, реставрацияләү һәм саклау буенча кайбер мәсьәләләр турында фикер алыштылар.

Очрашуда Дәүләт милке белән идарә итү буенча федераль агентлык җитәкчесе урынбасарлары Игорь Бабушкин һәм Павел Фрадков, Дәүләт милке белән идарә итү буенча федераль агентлыкның ТРдагы территориаль идарәсе җитәкчесе Гөлнара Сергеева, ТР мәдәният министры урынбасары Светлана Персова катнашты.