ТР Хөкүмәте йортында Россия фундаменталь тикшеренүләр фонды һәм Татарстан Республикасы Хөкүмәте арасында килешү имзаланды

2015 елның 7 феврале, шимбә
ТР Хөкүмәте йортында бүген Россия фундаменталь тикшеренүләр фонды һәм Татарстан Республикасы Хөкүмәте арасында "2015-2019 елларга фундаменталь тикшеренүләр проектларының төбәк конкурслары турында"гы килешү имзаланды.

Документка Россия фундаменталь тикшеренүләр фонды Советы рәисе Владислав Панченко һәм ТР Премьер-министры вазифаларын башкаручы Алексей Песошин имзаларын куйды.

Искә төшерәбез: Фундаменталь тикшеренүләр проектларының төбәк конкурслары кысаларында проектларны гамәлгә ашыру эшләре 2002 елдан Татарстан Фәннәр академиясе белән Россия фундаменталь тикшеренүләр фонды тарафыннан бергә алып барыла. Россия фундаменталь тикшеренүләр фонды белән ТР Хөкүмәте арасындагы уртак фундаменталь тикшеренү проектларын уздыру хакындагы соңгы килешү 2012 елның 26 апрелендә имзаланган иде, ул 2014 елда гамәлдән чыккан.

Белешмә өчен:
2012-2014 елларда төбәк конкурслары кысаларында республиканың әйдәп баручы фәнни һәм белем бирү учреждениеләре тарафыннан 99 проект гамәлгә ашырылган.
Яңа конкурска (2015 елга) Татарстан өчен өстенлекле юнәлешләр буенча 156 гариза тәкъдим ителгән. Хәзерге вакытта гаризалар уртак фәнни экспертиза һәм 2015-2017 елларга конкурсларга сайлап алуны уза.
ТР Президенты матбугат хезмәте, Елена Бритвина.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International